இந்தியாவில் கொரோனா பாதிப்பு 4,000-த்தை நெருங்குகிறது! 24 மணிநேரத்தில் 3,824 பேருக்கு தொற்று!

டெல்லி: இந்தியாவில் ஒருநாள் கொரோனா பாதிப்பு மிக வேகமாக அதிகரித்து வருகிறது. தற்போதைய நிலையில் ஒருநாள் கொரோனா பாதிப்பு 4,000-த்தை நெருங்கி உள்ள்ளது. இந்தியாவில் கடந்த 24 மணிநேரத்தில் 3,824பேருக்கு கொரோனா தொற்று உறுதி செய்யப்பட்டுள்ளது.

இந்தியாவில் கொரோனா பாதிப்பு தொடர்ந்து அதிகரித்து வருகிறது. கடந்த சில நாட்களாக 1,000; 2,000 என உயர்ந்து கொண்டிருந்தது ஒருநாள் கொரோனா பாதிப்பு. பின்னர் கிடுகிடுவென அதிகரித்து 3,000-த்தை கடந்தது.

கடந்த சில நாட்களாக ஒருநாள் கொரோனா பாதிப்பு 3,000-த்தை தாண்டியதாக தொடர்ந்து வருகிறது. இன்று காலை 24 மணிநேரத்துடனான ஒருநாள் கொரோனா பாதிப்பு எண்ணிக்கை 3,824 ஆக பதிவாகி உள்ளது. இந்தியாவில் ஒருநாள் கொரோனா பாதிப்பு எண்ணிக்கை 4,000-த்தை நெருங்கி உள்ளது.

நாட்டில் நேற்று முன்தின கொரோனா நிலவரம்: நாடு தழுவிய தடுப்பூசி இயக்கத்தின் கீழ் இதுவரை மொத்தம் 220.66 கோடி தடுப்பூசி டோஸ்கள் வழங்கப்பட்டுள்ளன. இதில் 95.21 கோடி இரண்டாம் தவணை தடுப்பூசி டோஸ்களும், 22.86 கோடி முன்னெச்சரிக்கை டோஸ்களும் அடங்கும். நேற்று முன்தினம் 9,981 டோஸ் தடுப்பூசிகள் அளிக்கப்பட்டன. இந்தியாவில் 16,354 பேர் கொவிட் தொற்றால் பாதிக்கப்பட்டுள்ளனர். இது 0.04 சதவீதமாகும். தொற்றிலிருந்து மீண்டவர்கள் 98.77 சதவீதம். நேற்று முன்தினம் 1,390 பேர் பாதிப்பிலிருந்து மீண்டுள்ளனர். இதுவரை குணமடைந்தவர்களின் எண்ணிக்கை மொத்தம் 4,41,71,551 பேர். கடந்த 24 மணி நேரத்தில் 2,994 பேருக்கு புதிதாக தொற்று பாதிப்பு உறுதி செய்யப்பட்டுள்ளது. தினசரி பாதிப்பு விகிதம் 2.09% வாராந்திர பாதிப்பு விகிதம் 2.03%. இதுவரை மொத்தம் 92.16 கோடி சோதனைகள் நடத்தப்பட்டுள்ளன. கடந்த 24 மணி நேரத்தில் 1,43,364 சோதனைகள் நடத்தப்பட்டுள்ளன.

கொரோனா புதிய நிலவரம்:

நாடு தழுவிய தடுப்பூசி இயக்கத்தின் கீழ் இதுவரை மொத்தம் 220.66 கோடி தடுப்பூசி டோஸ்கள் வழங்கப்பட்டுள்ளன. இதில் 95.21 கோடி இரண்டாம் தவணை தடுப்பூசி டோஸ்களும், 22.86 கோடி முன்னெச்சரிக்கை டோஸ்களும் அடங்கும். கடந்த 24 மணி நேரத்தில் 2,799 டோஸ் தடுப்பூசிகள் அளிக்கப்பட்டுள்ளன. இந்தியாவில் தற்போது 18,389 பேர் கொவிட் தொற்றால் பாதிக்கப்பட்டுள்ளனர். இது 0.04 சதவீதமாகும். தொற்றிலிருந்து மீண்டவர்கள் 98.77 சதவீதம்.

கடந்த 24 மணி நேரத்தில் 1,784 பேர் பாதிப்பிலிருந்து மீண்டுள்ளனர். இதுவரை குணமடைந்தவர்களின் எண்ணிக்கை மொத்தம் 4,41,73,335 பேர். கடந்த 24 மணி நேரத்தில் 3,824 பேருக்கு புதிதாக தொற்று பாதிப்பு உறுதி செய்யப்பட்டுள்ளது. தினசரி பாதிப்பு விகிதம் 2.87% வாராந்திர பாதிப்பு விகிதம் 2.24%. இதுவரை மொத்தம் 92.18 கோடி சோதனைகள் நடத்தப்பட்டுள்ளன. கடந்த 24 மணி நேரத்தில் 1,33,153 சோதனைகள் நடத்தப்பட்டுள்ளன.

English summary

India has Recorded 3,824 Coronavirus Cases in the last 24 hours.