பி.எஸ்.எல்.வி. சி-60 ராக்கெட்டை டிச.30-ந் தேதி விண்ணில் ஏவும் இஸ்ரோ!

டெல்லி: பி.எஸ்.எல்.வி. சி-60 ராக்கெட்டை வரும் 30-ந் தேதி விண்ணில் ஏவ இஸ்ரோ திட்டமிட்டுள்ளது. எஸ்டிஎக்ஸ் 1, எஸ்டிஎக்ஸ் 2 ஆகிய 220 கிலோ எடை கொண்ட 2 சிறிய செயற்கை கோள்களுடன் பி.எஸ்.எல்.வி. சி-60 ராக்கெட்டை விண்ணில் செலுத்த திட்டமிட்டுள்ளது இஸ்ரோ.

விண்வெளியில் இந்தியாவின் ஆய்வு மையத்தை அமைப்பதில் இஸ்ரோ முயற்சிகளை மேற்கொண்டு வருகிறது. இதன் ஒரு பகுதியாக விண்கலன்களை தனித்தனியாக ஏவி அவற்றை விண்ணில் ஒருங்கிணைக்கும் நடவடிக்கைகள் மேற்கொள்ளப்பட்டுள்ளன.

எஸ்டிஎக்ஸ் 1, எஸ்டிஎக்ஸ் 2 ஆகிய 220 கிலோ எடை கொண்ட 2 சிறிய செயற்கை கோள்களுடன் பி.எஸ்.எல்.வி. சி-60 ராக்கெட் விண்ணில் ஏவப்பட உள்ளது. பூமியில் இருந்து 470 கிலோ மீட்டர் உயரத்தில் வெவ்வேறு சுற்று வட்டப் பாதைகளில் இந்த செயற்கைக்கோள் நிலை நிறுத்தப்படும்.
இதற்கான ஏற்பாடுகளை இஸ்ரோ விஞ்ஞானிகள் முழு வீச்சில் மேற்கொண்டுள்ளனர்.

English summary

ISRO will launch PSLV-C60 on December 30.