ராஜ்யசபா தேர்தலில் சர்ப்ரைஸ் வைத்த பாஜக.. தேசிய தலைவர் நிதின் நபினுக்கு தேடி வரும் பொறுப்பு

Updated: Tuesday, March 3, 2026, 17:43 [IST]

Subscribe to Oneindia Tamil

டெல்லி: பாஜக தேசிய தலைவர் நிதின் நபின் ராஜ்யசபா எம்பியாக தேர்வு செய்யப்பட உள்ளார் என்று அறிவிப்பு வெளியாகியுள்ளது. இதேபோன்று பல்வேறு மாநிலங்களில் இருந்தும் ராஜ்யசபா எம்பி பதவி காலியிடங்களுக்கு வேட்பாளர்களை பாஜக தலைமை அறிவித்துள்ளது.

பாஜகவின் தேசிய தலைவராக கடந்த ஜனவரி மாதம் நிதின் நபீன் தேர்வு செய்யப்பட்டார். ஜேபி நட்டா பதவிக்காலம் நிறைவு பெற்றதை அடுத்து புதிய தேசிய தலைவராக தேர்வு செய்யபப்ட்டார் நிதின் நபின்.. பீகார் மாநிலத்தை சேர்ந்தவர்.

Nitin Nabin to Be Elected as Rajya Sabha MP BJP Announces Candidates

பீகாரில் நிதிஷ் குமார் தலைமையிலான அரசில் அமைச்சராக இருந்த நிதின் நபின், தேசிய தலைவராக நியமிக்கப்பட்டதும் தனது அமைச்சர் பதவியை ராஜினாமா செய்தார். இந்த நிலையில், நிதின் நபின் ராஜ்யசபா எம்பியாக தேர்வு செய்யப்பட உள்ளார் என்று அறிவிப்பு வெளியாகியுள்ளது.

பீகார் மாநிலத்தில் இருந்து அவர் எம்பியாக தேர்வு ஆக உள்ளார். பீகார் தலைநகர் பாட்னா மாவட்டத்தில் உள்ள பன்கிபுர் சட்டமன்ற தொகுதி எம்.எல்.ஏவாக இருக்கும் நிதின் நபின், எம்பியாக தேர்வு செய்யப்பட்டால் எம்.எல்.ஏ பதவியை ராஜினாமா செய்ய வேண்டியிருக்கும்.

இதனால் அந்த தொகுதிக்கு இடைத்தேர்தல் நடத்தப்படும். நாடு முழுவதும் காலியாக உள்ள 37 ராஜ்யபா எம்பி பதவிகளுக்கு வரும் 16 ஆம் தேதி தேர்தல் நடைபெற உள்ளது. இதற்கான வேட்புமனு தாக்கல் வரும் 5 ஆம் தேதிக்குள் செய்ய வேண்டும்.

எனவே தற்போது பல்வேறு மாநிலங்களில் இருந்தும் ராஜ்யசபா எம்பி பதவி காலியிடங்களுக்கு வேட்பாளர்களை பாஜக தலைமை அறிவித்துள்ளது. அந்தவகையில், நிதின் நபின் மற்றும் சிவேஷ் குமார் (பீகார்),

தரேஷ் கோவாலா, ஜோகன் மோகன்(அஸ்ஸாம்), லட்சுமி வர்மா (சத்தீஷ்கர்), சஞ்சய் பாட்டியா (அரியானா), மன்மோகன் சமல், சுஜித் குமார்( ஒடிசா), ராகுல் சின்ஹா( மேற்கு வங்காளம்) என 9 பேர் கொண்ட வேட்பாளர் பட்டியலை பாஜக மேலிடம் வெளியிட்டுள்ளது.

பீகாரில் 5 இடங்களுக்கு ராஜ்யசபா தேர்தல் அறிவிக்கப்பட்டுள்ள நிலையில், பாஜக - ஜேடியூ கூட்டணிக்கு 4 இடங்கள் கிடைக்க வாய்ப்பு உள்ளது. இதில் ஐக்கிய ஜனதா தளம் இரண்டுஇடங்களிலும் பாஜக இடங்களிலும் போட்டியிடுகின்றன.