• search
டெல்லி அப்டேட்டுகளுக்கு
நோட்டிபிகேஷனை அனுமதி  

நாட்டில் மொத்தமே ஐந்து மாநிலங்கள் மட்டுமே புதிய மோட்டார் வாகன சட்டத்தை அமல்படுத்தி உள்ளதாம்!

|
    நாட்டில் மொத்தமே ஐந்து மாநிலங்கள் மட்டுமே புதிய மோட்டார் வாகன சட்டத்தை அமல்படுத்தி உள்ளதாம்!

    டெல்லி : மத்திய அரசு கொண்டு வந்த திருத்தப்பட்ட மோட்டார் வாகன சட்டத்தை குஜராத், உத்தர்காண்ட், கேரளா, கர்நாடகா மற்றும் அஸ்ஸாம் உள்ளிட்ட 5 மாநிலங்கள் தான் அமல்படுத்தி உள்ளன. மற்ற எந்த ஒரு மாநிலமும் சட்டத்தை இன்னமும் அமல்படுத்தவில்லை.

    மத்திய அரசு கடந்த ஜுலை மாதம் திருத்தப்பட்ட மோட்டார் வாகன சட்டத்தை நாடாளுமன்றத்தில் நிறைவேற்றியது. இந்த சட்டத்தின்படி போக்குவரத்து விதிமீறல்களுக்கு தற்போது விதிக்கப்படும் அபராதங்களைவிட பல மடங்கு அதிக அபராதம் விதிக்க வகை செய்துள்ளது.

    இச்சட்டம் செப்டம்பர் 1ம்தேதி நாடு முழுவதும் அமலுக்கு வரும் என்று எதிர்பார்க்கப்பட்டது. ஆனால் பொதுமக்களிடம் இருந்து கடும் எதிர்ப்பு கிளம்பியதால், சட்டத்தை அமல்படுத்துவதில் பல்வேறு மாநிலங்கள் தயக்கம் காட்டுகின்றன.

    நீங்க பேசியது சரியில்லை.. இம்ரான் கானிடம் கொடுத்த விமானத்தை திரும்ப பெற்ற சவுதி?.. என்ன நடந்தது?

    பரிந்துரைகளை அனுப்பி உள்ளன

    பரிந்துரைகளை அனுப்பி உள்ளன

    சில மாநில போக்குவரத்துத் துறைகள் திருத்தப்பட்ட அபராதங்களுடன் பரிந்துரைகளை அந்தந்த அரசாங்கங்களுக்கு அனுப்பியுள்ளதாக தகவல்கள் வெளியாகி உள்ளன. இது தொடர்பாக ராஜஸ்தான் மாநில அரசு உயர் அதிகாரி கூறுகையில், "அபராதம் மற்றும் அபராதங்களைக் குறிப்பிடும் முன்மொழியப்பட்ட அறிவிப்புகளுக்கு அரசாங்கத்தின் ஒப்புதல் தேவை. சட்டத்தில் அனுமதிக்கப்பட்டுள்ள குறிப்பிட்ட குற்றங்களுக்கான அபராதம் மற்றும் அபராதங்களின் அளவை நிர்ணயிக்க நாங்கள் பரிந்துரைத்துள்ளோம். கூட்டுத்தொகை இல்லாத குற்றங்கள் தொடர்பான அபராதங்கள் மற்றும் அபராதங்களை நாங்கள் மாற்றவில்லை" என்று கூறினார்.

    உடனடி அபராதம்

    உடனடி அபராதம்

    மேலும் போக்குவரத்து காவல்துறையினரிடமிருந்தோ அல்லது போக்குவரத்துத் துறையிலிருந்தோ நியமிக்கப்பட்ட அதிகாரியிடமோ, சாலை விதிகளை மீறுபவர்கள் அந்த இடத்திலேயே அபராதம் செலுத்தலாம். அவர்கள் நீதிமன்றத்திற்குச் செல்லத் தேவையில்லை என்றார்.

    பீகார் விரைவில் அறிவிப்பு

    பீகார் விரைவில் அறிவிப்பு

    ஜார்கண்ட், மகாராஷ்டிரா மற்றும் ஹரியானா ஆகியவை திருத்தப்பட்ட சட்டத்தை அமல்படுத்த இன்னும் குறைந்தது மூன்று மாதங்கள் எடுக்கும் என தெரிகிறது. அதே வேளையில் பீகார் அரசு புதிய விதிகளை விரைவில் அறிவிக்க உள்ளது.

    குழப்பம் வரும்

    குழப்பம் வரும்

    இந்நிலையில் போக்குவரத்து விதிமீறல் அபராத விவகாரம் தொடர்பாக மத்திய அரசின் உயர் அதிகாரி ஒருவர் கூறுகையில், "திருத்தப்பட்ட சட்டத்தை அமல்படுத்துவதற்கான தேதியை அறிவிப்பது இதுவரை மாநில அரசுகள் தான். அனைவரையும் கேட்டுவிட்டுத்தான் மாற்றங்கள் செய்யப்பட்டன. மாநில அரசுகள் தங்களுக்கு உள்ள அதிகாரத்தை பயன்படுத்தி மோட்டார் வாகன சட்டத்தின் படி குற்றங்களுக்கு அபராதம் விதித்தால் எந்த பிரச்சினையும் இல்லை ஆனால் அவை ஒன்றுக்கும் மேற்பட்ட குற்றங்களுக்கான அபராதங்களை மாற்றியமைத்தால் அல்லது மத்திய சட்டத்தில் குறிப்பிடப்பட்டுள்ள குறைந்தபட்ச தொகையை விட குறைவான அபராதத்தை மாநில அரசு நிர்ணயித்தால், அது சில குழப்பங்களுக்கு வழிவகுக்கும்" என்றார். இதனிடையே மாநிலங்கள் அவ்வாறு அபராதத்தை குறைக்க முடியுமா என்று சட்ட அமைச்சகத்திடம் மத்திய அரசு கருத்து கோரியுள்ளது.

    குஜராத் அரசு நினைத்தது

    குஜராத் அரசு நினைத்தது

    போக்குவரத்து விதிகளை மீறுவோருக்கு அபராதங்களை விதிக்கும் வகையிலான திருத்தப்பட்ட சட்டத்தை மாநிலங்கள் விரைவாக உருவாக்கும் என்று எதிர்பார்க்கப்பட்டாலும், ஆனால் இன்னும் நடக்கவில்லை. குஜராத் அரசு அபராதங்களை கடுமையாகக் குறைக்க முடிவு செய்தது. ஆனால் பின்னர் அது நடக்கவில்லை.

    சீரான அபாரதம் அவசியம்

    சீரான அபாரதம் அவசியம்

    நாடு முழுவதும் உள்ள ஒவ்வொரு குற்றத்திற்கும் ஒரு சீரான அபராதம் மற்றும் அபராதம் விதிக்க வேண்டும் என்பது குறித்து எந்த மாநிலமாவது உடனே உரக்க சொல்ல ஆரம்பிக்க வேண்டும். இலையெனில் குழப்பமான சூழ்நிலையை நோக்கி தான் செல்லும் என்று ஒரு மாநில போக்குவரத்து ஆணையர் எச்சரித்தார்.

    திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

     
     
     
    English summary
    Only five states - Gujarat, Uttarakhand, Kerala, Karnataka and Assam have implemented the amended Motor Vehicles Act
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more