அல்டிமேட்.."பிரதான் மந்திரி உஜ்வாலா யோஜனா".. கேஸ் சிலிண்டருக்கான மானியம்.. மத்திய அரசு மாஸ் திட்டம்

டெல்லி: இந்தியாவில் கிராமங்கள்தோறும் ஏழை மக்கள் அனைவரும் சமையல் எரிவாயு சிலிண்டர் பயன்படுத்த வேண்டும் என்ற நோக்கத்திற்காக மத்திய பாஜக அரசு உஜ்வாலா என்ற திட்டத்தை துவக்கிய நிலையில், ஏராளமானோர் இதன் பலனை பெற்று வருகிறார்கள்.
"பிரதான் மந்திரி உஜ்வாலா யோஜனா" என்ற பெயரில் இத்திட்டம் செயல்படுத்தப்பட்டு வருகிறது. பிரதமர் மோடியால் உத்தரபிரதேசத்தின் பல்லியாவில் மே 1, 2016 அன்று இந்தத் திட்டம் தொடங்கப்பட்டது.

யோஜனா: நாடு முழுவதும் ஏழை மக்களுக்கு இலவச சமையல் எரிவாயு இணைப்பு வழங்கும் "பிரதமரின் உஜ்வாலா யோஜனா" திட்டத்தை பிரதமர் மோடி கடந்த 2016 மே 1-ம் தேதி தொடங்கி வைத்தார். இத்திட்டத்தின் கீழ், சிலிண்டர் பெறுவதற்கான வைப்புத் தொகை உட்பட ரூ.1,600-ஐ மத்திய அரசு வழங்குகிறது. இந்த திட்டத்தின் பயனாளிகளுக்கு காஸ் அடுப்பும், முதலாவது சிலிண்டரும் இலவசமாக வழங்கப்படும்.

பொருளாதார ரீதியாகப் பாதிக்கப்பட்டவர்களின் நல்வாழ்வை மேம்படுத்துவதற்கும், இந்த உஜ்வாலா யோஜனா திட்டம் அறிவிக்கப்பட்டது.. இது மத்திய பெட்ரோலியம் மற்றும் இயற்கை எரிவாயு அமைச்சகத்தால் செயல்படுத்தப்படும் முதல் சமூக நலத் திட்டமாகும். சேமிப்புக் கணக்குகளைத் திறப்பதற்கான ஜன்தன் யோஜனா , சுகன்யா சம்ரிதி கணக்குகள் போன்ற மற்ற அனைத்துத் திட்டங்களும் இன்றுவரை உள்ளன..

வறுமைக்கோடு: வறுமைக் கோட்டிற்குக் கீழ் உள்ள குடும்பங்களுக்கு எல்பிஜி இணைப்புகள் வழங்கப்படுவதால், இது நமது சமூகத்தில் பின்தங்கிய பெண்களுக்கு அதிகாரம் அளிப்பதோடு அவர்களின் ஆரோக்கியத்தையும் அவர்களது குடும்பத்தின் ஆரோக்கியத்தையும் பாதுகாக்கும். கூடுதலாக, இது இந்த பெண்கள் விறகு, சாணம் மற்றும் பிற சமையல் எரிபொருளுக்காக செலவிடும் நேரத்தை குறைக்க உதவும்.. அத்துடன், உஜ்வாலா யோஜனா கிராமப்புற இளைஞர்களுக்கு சமையல் எரிவாயு கிராமப்புற விநியோகச் சங்கிலியில் கூடுதல் வேலை வாய்ப்புகளை வழங்கக்கூடியதுமாகும்.

எப்படி விண்ணப்பிப்பது: பிரதான் மந்திரி உஜ்வாலா யோஜனா திட்டத்தில் ஆர்வமுள்ள தகுதியான BPL விண்ணப்பதாரர்கள் அருகிலுள்ள LPG விற்பனை நிலையம் அல்லது விநியோக மையத்திற்குச் சென்று பரிந்துரைக்கப்பட்ட விண்ணப்பப் படிவத்தைக் கேட்க வேண்டும். விண்ணப்பப் படிவத்தை ஆன்லைனிலும் பதிவிறக்கம் செய்து கொள்ளலாம்.

விண்ணப்பதாரர்: விண்ணப்பதாரர்கள் தங்களது ஆதார் எண், தொடர்பு விவரங்கள், சேமிப்பு கணக்கு எண், தொடர்பு விவரங்கள் மற்றும் கடைசிப் பக்கத்தில் உள்ள அறிவிப்பு படிவத்தை பூர்த்தி செய்ய வேண்டும். விண்ணப்பதாரர்கள் 5KG அல்லது 14.2 KG சிலிண்டரை தேர்வு செய்யலாம்.

இந்த ஆதாரங்கள் கட்டாயம் தேவை:

• ஆதார் அட்டை அல்லது வாக்காளர் அடையாள அட்டை
• சேமிப்பு கணக்கு பாஸ்புக் அல்லது வங்கி கணக்கு அறிக்கை
• இருப்பிட சான்று (தொலைபேசி/ மின்சாரம்/ தண்ணீர் அல்லது தொலைபேசி கட்டணம்/வீடு பதிவு ஆவணம்)
• பிபிஎல் (வறுமைக் கோட்டிற்கு கீழே) ரேஷன் கார்டு
• பஞ்சாயத்து பிரதானால் அங்கீகரிக்கப்பட்ட பிபிஎல் சான்றிதழ்
• சமீபத்திய பாஸ்போர்ட் சைஸ் போட்டோ

விண்ணப்பதாரர்: இணைக்கப்பட்ட ஆவணங்களுடன் விண்ணப்பப் படிவத்தை அந்த பகுதியிலுள்ள எல்பிஜி அலுவலகத்தில் சமர்ப்பிக்க வேண்டும்... அதற்கு பிறகு, LPG கள அதிகாரிகள் விண்ணப்பதாரரின் விவரங்களைச் சரிபார்த்து, தகுதியை உறுதிப்படுத்த, SECC (சமூகப் பொருளாதாரம் மற்றும் சாதிக் கணக்கெடுப்பு) தரவுகளுடன் அவற்றைப் பொருத்துவார்கள். விண்ணப்பதாரர் தகுதியானவர் என கண்டறியப்பட்டவுடன் எல்பிஜி எரிவாயு சிலிண்டர் வழங்கப்படும். விண்ணப்பதாரர் அடுப்பு செலவு மற்றும் முதல் நிரப்புதலின் விலையை ஈடுகட்ட EMI விருப்பத்தையும் தேர்வு செய்யலாம்.

சேமிப்புக்கணக்கு: எல்பிஜிக்கான மானியங்கள் தேவைப்படும் பெண்களின் சேமிப்புக் கணக்குகளில் நேரடியாக வழங்கப்படும், இதனால் ஊழல் நடைமுறைகள் தவிர்க்கப்படும். இந்த நடவடிக்கை குறிப்பாக கிராமப்புறங்களில் சேமிப்பு கணக்கு விண்ணப்பங்களின் எண்ணிக்கையை அதிகரிக்கும் என எதிர்பார்க்கப்படுகிறது.

விண்ணப்பிக்க தகுதியுடையவர்: விண்ணப்பதாரர் 18 வயதுக்கு மேற்பட்ட பெண்ணாக இருக்க வேண்டும். அவளும் இந்திய குடிமகனாக இருக்க வேண்டும்.
- அவர் வறுமைக் கோட்டுக்குக் கீழே உள்ள குடும்பத்தைச் சேர்ந்தவராக இருக்க வேண்டும், மேலும் வீட்டில் உள்ள வேறு யாரும் எல்பிஜி இணைப்பு வைத்திருக்கக் கூடாது.
- குடும்பத்தின் மொத்த மாத வருமானம் யூனியன் பிரதேசம்/மாநில அரசுகளால் நிர்ணயிக்கப்பட்ட ஒரு குறிப்பிட்ட வரம்பை மீறக்கூடாது.
- விண்ணப்பதாரரின் பெயர் SECC-2011 பட்டியலில் இருக்க வேண்டும் மற்றும் எண்ணெய் சந்தைப்படுத்தும் நிறுவனங்களின் BPL தரவுத்தளத்தில் வழங்கப்பட்ட தகவலுடன் பொருந்த வேண்டும்.
- விண்ணப்பதாரர் அரசாங்கத்தால் வழங்கப்படும் வேறு எந்த திட்டத்திலும் பதிவு செய்யக்கூடாது.

பிரதான் மந்திரி உஜ்வாலா யோஜனாவின் நோக்கங்கள் : பெண்களுக்கு அதிகாரம் அளித்து அவர்களின் ஆரோக்கியத்தைப் பாதுகாப்பதாகும்.. அத்துடன், சமைக்கும் போது தூய்மையற்ற புதைபடிவ எரிபொருள் மற்றும் பிற எரிபொருளைப் பயன்படுத்துவதால் ஏற்படும் உடல்நலப் பிரச்சினைகளைக் குறைப்பதும் இதன் நோக்கமாகும்.. மேலும், சுவாச பிரச்சனைகளை ஏற்படுத்தும் படிம எரிபொருளின் பயன்பாட்டிலிருந்து உட்புற மாசுபாட்டைக் கட்டுப்படுத்தி, அசுத்தமான சமையல் எரிபொருளின் பரவலான பயன்பாட்டினால் சமரசம் செய்யப்படும் சுற்றுச்சூழலின் தூய்மை சீரழிவதைத் தடுப்பதே இதன் நோக்கமாகும்.

இதனிடையே, கடந்த மார்ச் மாதம் ஒரு சிறப்பு செய்தி வெளியாகியிருந்தது.. அதன்படி, பிரதமர் மோடி தலைமையிலான பொருளாதார நடவடிக்கைகளுக்கான மத்திய அமைச்சரவை குழு பிரதமரின் உஜ்வாலா பயனாளிகளுக்கு 14.2 கிலோ சமையல் சிலிண்டருக்கு ரூ. 200 என்று அதிகபட்சம் ஆண்டுக்கு 12 முறை எரிவாயு நிரப்புவதற்கு மானியம் வழங்க ஒப்புதல் அளித்திருந்தது. 2021 மார்ச் 1ம் தேதி நிலவரப்படி இந்தியாவில் 9.59 கோடிப் பேர் பிரதமரின் உஜ்வாலா திட்டத்தின் கீழ் பயன்பெறுகின்றனர்.
அபாரம்: இந்த மானியத்திற்காக 2022-23 நிதியாண்டில் 6100 கோடி ரூபாயும், 2023-24 நிதியாண்டில் 7680 கோடி ரூபாயும் செலவாகும் என கணக்கிடப்பட்டிருக்கிறது. இந்த மானியம் பயனாளிகளின் வங்கிக்கணக்கில் நேரடியாக வரவு வைக்கப்பட உள்ளது. இந்த மானியம் கடந்த 2022ம் ஆண்டு மே 22ம் தேதி முதல் பொதுத்துறை எண்ணெய் நிறுவனங்களான இந்தியன் ஆயில் கார்ப்பரேஷன், பாரத் பெட்ரோலியம், ஹிந்துஸ்தான் பெட்ரோலியம் நிறுவனங்களுக்கு ஏற்கெனவே வழங்கப்பட்டு விட்டது என்று அரசு தரப்பில் தெரிவிக்கப்பட்டுள்ளது.

வரப்பிரசாதம்: பல்வேறு புவிசார் அரசியல் காரணமாக சமையல் எரிவாயுவின் சர்வதேச விலை உயர்ந்து வரும் நிலையில், இந்த மானிய அறிவிப்பு உஜ்வாலா பயனாளிகளுக்கு சமையல் எரிவாயு விலை உயர்வில் இருந்து நிவாரணம் அளிக்கும் என்று எதிர்பார்க்கப்படுகிறது. அத்துடன், இந்த அறிவிப்பு, பயனாளிகளுக்கு வரப்பிரசாதமாகவும் அமைந்து வருகிறது.

English summary

pradhan mantri ujjwala yojana and subsidy scheme to pradhan mantri ujjwala yojana consumers