தேசத் துரோகம் இனி தேசத்துக்கு எதிரான சதி.. 3 புதிய குற்றவியல் சட்டங்கள் என்றால் என்ன? 14 பாயிண்ட்ஸ்!

டெல்லி: நாட்டில் 3 புதிய குற்றவியல் சட்டங்கள் நாளை முதல் நடைமுறைக்கு வருகின்றன. 150 ஆண்டுகால ஆங்கிலேயர் ஆட்சிக் கால 3 குற்றவியல் சட்டங்கள் நீக்கப்பட்டு மத்திய அரசு உருவாக்கிய 3 புதிய குற்றவியல் சட்டங்கள் நாளை முதல் அமலுக்கு வருகிறது. 3 புதிய குற்றவியல் சட்டங்கள் குறித்து என்ன என்று பார்க்கலாம்.

நடைமுறைக்கு வரும் 3 குற்றவியல் சட்டங்கள்:

1. இந்திய தண்டனைச் சட்டத்துக்கு (Indian Penal Code IPC- ஐபிசி) மாற்றாக பாரதிய நியாய சன்ஹிதா, 2023- "இந்திய நியாய சட்டம் 2023"

2. குற்றவியல் நடைமுறைச் சட்டத்துக்குப் ( Criminal Procedure Code- CRPC சிஆர்பிசி) பதிலாக பாரதிய நகரிக் சுரக்ஷா சன்ஹிதா -"இந்திய சிவில் பாதுகாப்புச் சட்டம் 2023"

3. இந்திய ஆதாரச் சட்டம், 1872-க்கு மாற்றாக (Indian Evidence Act, 1872- ஆதார சட்டம்) பாரதிய சாக்ஷய சட்டங்கள் இருக்கும்- "இந்திய சாட்சியச் சட்டம் 2023"

"இந்திய நியாய சட்டம் 2023": பாதிக்கப்பட்டவர்களின் உரிமைகள், தேவைகளுக்கு முன்னுரிமை; பெண்கள், குழந்தைகள், நலிந்த பிரிவினருக்கு எதிரான குற்றங்களில் சகிப்பின்மை கொள்கையை வலியுறுத்துகிறது.

"இந்திய சிவில் பாதுகாப்புச் சட்டம் 2023": பாதிக்கப்பட்டவர்களுக்கு ஒரே இடத்தில் நிர்வாக மையங்கள்- பாதுகாப்பு அதிகாரிகள்- ஆலோசகர்கள்- தங்குமிடங்கள் மூலம் உதவி, பாதுகாப்பு, இழப்ப்பீடு, மறு குடியமர்வு நடைமுறையை வலுவாக்குகிறது.

"இந்திய சாட்சியச் சட்டம் 2023": சைபர் தடய அறிவியல், டிஎன்ஏ தடய அறிவியல், புலனாய்வு, நீதிமன்ற விசாரணையின் போது மின்னணு சாதனம் மூலம் சாட்சியத்தை பதிவு செய்தல்- சமர்ப்பித்தல் ஆகிய நவீன நடைமுறைகளை அறிமுகம் செய்கிறது.

3 புதிய குற்றவியல் சட்டங்களின் முக்கிய அம்சங்கள் என்ன?

• மின்னணு ஊடகங்கள் மூலம் புகார் அளித்துவிட்டு 3 நாட்களுக்குள் சென்று காவல் நிலையத்தில் கையெழுத்திட வேண்டும்.
• எந்த காவல் நிலையத்திலும் குற்றங்களுக்கு எதிராகப் புகார் பதிவு செய்ய ஏற்பாடுகள்
• மின்னணு- டிஜிட்டல் சான்றுகள், இதா ஆதாரங்களைப் போல இனி செல்லுபடியாகும்.

• வழக்குகளில் தேடுதல்- கைபற்றுதலின் போது எடுக்கப்படும் ஆடியோ- வீடியோ பதிவுகள் கட்டாயமாக்கப்பட்டுள்ளது
• விசாரணை அறிக்கையை 90 நாட்களுக்குப் பெற பாதிக்கப்பட்டோருக்கு உரிமை உண்டு

• கைது செய்யப்படுகிறவரின் விவரங்கள் காவல் நிலையத்தில் பகிரங்கப்படுத்தப்பட வேண்டும்
• 18 வயது நிறைவடையாத மைனர் சிறுவர்/ சிறுமியரை விற்பது- வாங்குவது கொடுங்குற்றம்

• 18 வயது நிறைவடையாத சிறுமியை கூட்டு பலாத்காரம் செய்தால் ஆயுள் அல்லது தூக்கு தண்டனை
• சாட்சிகள், குற்றம்சாட்டப்பட்டோர், வல்லுநர்கள், பாதிக்கப்பட்டோர் மின்னணு ஊடகங்கள் மூலம் ஆஜராகலாம்.

• 7 ஆண்டு அல்லது அதற்கு மேற்பட்ட தண்டனை விதிக்க வகை செய்யும் வழக்குகளில் தடவியல் சோதனை இனி கட்டாயம்.
• தேசத் துரோகம் என்பது இனி தேசத்துக்கு எதிரான சதி வழக்காக கருதப்படும்.
• கும்பல் படுகொலைகள்- பறிமுதல்களும் இனி குற்றப் பிரிவுகளில் சேர்க்கப்படும்.

• ஒரு வழக்கின் விசாரணை தொடங்கி 60 நாட்களில் குற்றப்பத்திரிகை தாக்கல் செய்யப்பட வேண்டும்
• விசாரணை முடிவடைந்தால் 15 நாட்களில் தீர்ப்பு அளிக்கப்பட வேண்டும்

English summary

Here important sections of new criminal laws which will come into effect from tomorrow.