இந்தியாவில் கண்டறியப்பட்ட உருமாறிய கொரோனா.. டெல்டா என அழைக்கப்படும்.. உலக சுகாதார மையம் அறிவிப்பு

Updated: Tuesday, June 1, 2021, 11:07 [IST]

Subscribe to Oneindia Tamil

டெல்லி: உருமாறிய கொரோனா வகைகளுக்கு உலக சுகாதார அமைப்பு புதிய பெயர்களை அறிவித்துள்ள நிலையில், இந்தியாவில் முதலில் கண்டறியப்பட்ட B.1.617.2 கொரோனா வகை டெல்டா கொரோனா வகை என அழைக்கப்படும் என அறிவிக்கப்பட்டுள்ளது.

கொரோனா பெயர்கள்

இருப்பினும் இதைக் குறிப்பிடுவது கஷ்டம் என்பதால் பெரும்பாலும் எங்கு உருமாறிய கொரோனா கண்டறியப்பட்டதோ அதையே பெயராக வைத்து அழைக்கின்றனர். அதாவது பிரிட்டனில் முதலில் கண்டறியப்பட்ட B.1.1.7 வகை கொரோனாவை பிரிட்டன் வகை கொரோனா என்றும் B.1.351 கொரோனா வகையைத் தென் ஆப்பிரிக்கா கொரோனா வகை என்றும் மக்கள் அழைக்கின்றனர்.

உருமாறிய கொரோனா

இது போல நாடுகளை வைத்து கொரோனா வகைகளை அழைப்பது அந்த நாடுகளைக் களங்கப்படுத்தும் விதமாக அமைந்துவிடுகிறது. இம்மாத தொடக்கத்தில் B.1.617 வகையை இந்தியாவில் கண்டறியப்பட்ட கொரோனா என்று தான் அழைக்க வேண்டும் என மத்திய அரசு அறிவித்திருந்தது. உலக சுகாதார அமைப்பும் நாடுகளின் அடிப்படையில் வைரசின் பெயர்கள் இருக்கக் கூடாது என தெரிவித்தது.

டெல்டா வகை கொரோனா

இதைத் தொடர்ந்து உருமாறிய கொரோனா வகைகளுக்கு புதிய பெயர்கள் அறிவிக்கப்படும் என உலக சுகாதார அமைப்பு தெரிவித்திருந்தது. அதன்படி தற்போது உலக சுகாதார அமைப்பு உருமாறிய கொரோனா வகைகளுக்குப் பெயர்களை அறிவித்துள்ளன. கடந்த ஆண்டு அக்டோபர் மாதம் இந்தியாவில் முதலில் கண்டறியப்பட்ட B.1.617 வகை டெல்டா என்று அழைக்கப்படும் என உலக சுகாதார அமைப்பு அறிவித்துள்ளது. அதாவது இந்த வகை கொரோனாவை குறிப்பிடும்போது, இனி டெல்டா வகை கொரோனா என்றே குறிப்பிடப்படும்.

உருமாறிய கொரோனா பெயர்கள்

அதேபோல, பிரிட்டன் நாட்டில் கடந்த செப்டம்பர் மாதம் கண்டறியப்பட்ட கொரோனா 'Alpha' என்று அழைக்கப்படும். அதேபோல தென் ஆப்பிரிக்காவில் முதலில் கண்டறியப்பட்ட கொரோனா 'Beta' என அழைக்கப்படும். மேலும், பிரேசிலில் கண்டறியப்பட்ட வகை 'Gamma', அமெரிக்காவில் கண்டறியப்பட்ட கொரோனா 'Epsilon' என அழைக்கப்படும். இந்த ஆண்டு ஜனவரியில் பிலிப்பைன்ஸ் கண்டறியப்பட்ட கொரோனா 'தீட்டா' என்று பெயரிடப்பட்டுள்ளது.