உலக நாடுகளில் கொரோனாவால் பாதிக்கப்பட்டோர் எண்ணிக்கை 9.35 கோடி

டெல்லி: உலக நாடுகளில் கொரோனாவால் பாதிக்கப்பட்டோர் எண்ணிக்கை 9,35,09,890 ஆக உயர்ந்துள்ளது.

உலகை அச்சுறுத்திய கொரோனா வைரஸ் புதிய வடிவத்தில் மீண்டும் தாக்கி வருகிறது. அமெரிக்கா, ஐரோப்பிய நாடுகள்தான் 2-வது வகை கொரோனாவால் மோசமாக பாதிக்கப்பட்டுள்ளன.

உலக நாடுகளின் கொரோனா பாதிப்பு எண்ணிக்கையானது 9,35,09,890 ஆக உள்ளது. கொரோனாவால் மரணித்தோர் எண்ணிக்கை 20,01,289 ஆகவும் உயர்ந்துள்ளது.

அமெரிக்காவில் ஒரே நாளில் 2,30,457 பேர் கொரோனா பாதிப்புக்குள்ளாகி உள்ளனர். அமெரிக்காவில் ஒரே நாளில் மொத்தம் 4,069 பேர் கொரோனாவால் மாண்டு போயுள்ளனர்.

அமெரிக்காவை தொடர்ந்து பிரேசிலில் ஒரே நாளில் 68,656 பேருக்கு கொரோனா உறுதியாகி உள்ளது. இங்கிலாந்தில் 48,682 பேருக்கு கொரோனா தொற்று உறுதியானது. ஸ்பெயினில் ஒரே நாளில் 35,878 பேருக்கு கொரோனா உறுதியானது.

English summary

World coronavirs cases touch 9.35 crores.