துபாய்க்கு போகும் விமானங்கள் ரத்து.. இண்டிகோ நிறுவனம் கொடுத்த முக்கிய மெசேஜ்!

டெல்லி: மத்திய கிழக்கில் போர் பதற்றம் அதிகரித்திருக்கிறது. இந்நிலையில் துபாய்க்கான விமான சேவைகள் ரத்து செய்யப்பட்டிருப்பதாக பிரபல விமான நிறுவனமான இண்டிகோ அறிவித்திருக்கிறது.

மேற்கு ஆசியாவில் நிலவிவரும் சூழல் காரணமாக, இந்தியாவின் முன்னணி விமான நிறுவனங்களான இண்டிகோ (IndiGo) மற்றும் ஸ்பைஸ்ஜெட் (SpiceJet) ஆகியவை துபாய்க்கான மற்றும் அங்கிருந்து புறப்படும் விமானகள் சில ரத்து செய்யப்பட்டிருப்பதாக அறிவித்திருக்கின்றன.

இண்டிகோ நிறுவனம் அறிவிப்பு

வான்வெளி மூடப்பட்டதால், கல்ஃப் ஏர் (Gulf Air) தனது சில விமானங்களை தம்மாம் வழியாக இயக்கவுள்ளதாகத் தெரிவித்துள்ளது. இண்டிகோ நிறுவனம் வெளியிட்ட அறிக்கையில், மத்திய கிழக்கில் மாறிவரும் சூழ்நிலைகளின் காரணமாக இன்று தொடங்கி 17 வரை இயக்கப்படவிருந்த சில விமானங்களின் அட்டவணையில் மாற்றங்கள் செய்யப்பட்டிருப்பதாக தெரிவிக்கப்பட்டிருக்கிறது.

விமானங்கள் ரத்து

மேலும், விமான நிலையத்திற்குச் செல்வதற்கு முன், bit.ly/31paVKQ என்ற வெப்சைட்டில், தங்களது விமான நிலைமையைச் சரிபார்க்குமாறு அறிவுறுத்தியுள்ளது. மேலும் உதவிக்கு müşteri சேவை மையத்தை +91 124 6173838 என்ற எண்ணில் தொடர்பு கொள்ளலாம் எனவும், இண்டிகோ தெரிவித்துள்ளது.

காரணம் இதுதான்

மேற்கு ஆசியாவில் அமெரிக்கா, இஸ்ரேல், மற்றும் ஈரான் ஒன்றுக்கொன்று எரிசக்தி இலக்குகளைக் குறிவைத்து தாக்குதல் நடத்தி வருகின்றன. இது உலகளாவிய எண்ணெய் மற்றும் எரிவாயு விநியோகத்திற்கு அச்சுறுத்தலாக உள்ளது. இத்தகைய பதட்டமான சூழலே இந்த விமானச் சேவை மாற்றங்களுக்கு முக்கியக் காரணமாகும்.

ஸ்பைஸ்ஜெட் நிறுவனம் இன்று, ஐக்கிய அரபு எமிரேட்ஸில் உள்ள ஃபூஜெயிராவிலிருந்து இந்தியாவிற்கு சிறப்பு விமானங்களை இயக்குவதாக அறிவித்தது.

ஸ்பைஸ்ஜெட் அறிவிப்பு

எக்ஸ் (X) தளத்தில் ஸ்பைஸ்ஜெட் வெளியிட்ட அறிவிப்பில், “மத்திய கிழக்கில் உருவாகி வரும் சூழ்நிலை காரணமாக, துபாய்க்கான மற்றும் அங்கிருந்து புறப்படும் விமானச் செயல்பாடுகளில் மாற்றங்கள் செய்யப்பட்டிருக்கின்றன. எஸ்எம்எஸ்/மின்னஞ்சல் வழியாக பயணிகளுக்கு இந்த மாற்றங்கள் குறித்து நாங்கள் தெரிவித்து வருகிறோம்” என்று குறிப்பிட்டுள்ளது.

மாற்று வழியில் விமானங்கள் இயக்கம்

விமான நிலையத்திற்குப் புறப்படுவதற்கு முன், spicejet.com/#status என்ற இணையதளத்தில் தங்களது விமான நிலையைச் சரிபார்க்குமாறும், உடனடி உதவிக்கு எங்கள் 24x7 முன்பதிவு உதவி எண்களான +91 (0)124 4983410 அல்லது +91 (0)124 7101600 ஐ தொடர்பு கொள்ளலாம் என்று கேட்டுக்கொண்டுள்ளது.

கல்ஃப் ஏர் நிறுவனமும் பஹ்ரைன் வான்வெளி மூடப்பட்டிருப்பதால், தனது பல விமானச் சேவைகளை தற்காலிகமாக தம்மாம் வழியாக இயக்கி வருவதாகத் தெரிவித்துள்ளது என்பது குறிப்பிடத்தக்கது.

English summary

Dubai Flights Cancelled: War tensions have escalated in the Middle East. Against this backdrop, the prominent airline IndiGo has announced the cancellation of flights to Dubai.