மிசோரம்: தொங்கு சட்டபை கன்ஃபார்ம்! பாஜக கூட்டணியில் இணைந்ததால் ஆட்சியை 'பலி' கொடுக்கும் எம்என்எஃப்!

Updated: Friday, December 1, 2023, 7:00 [IST]

Subscribe to Oneindia Tamil

ஐஸ்வால்: மிசோரம் சட்டசபை தேர்தலில் பாஜக தலைமையிலான தேசிய ஜனநாயக கூட்டணி, வடகிழக்கு கூட்டணியில் இடம் பெற்றுள்ள ஆளும் மிசோ தேசிய முன்னணி (எம்.என்.எஃப் MNF) ஆட்சியைப் பறிகொடுக்கும் என்கிறது டெமாக்கரசி டைம்ஸ் நெட்வொர்க் எக்ஸிட் போல் முடிவுகள்.

மிசோரம் மாநிலத்தில் பாஜக கூட்டணி கட்சியான எம்.என்.எஃப் MNF ஆட்சியில் உள்ளார். முதல்வராக ஜோரம்தங்கா பதவி வகித்து வருகிறார். 40 தொகுதிகளைக் கொண்ட மிசோரமில் பெரும்பான்மைக்கு தேவை 21 இடங்கள்.

Democracy Times Network Exit Poll Predictions Indicate Hung Assembly in Mizoram

மிசோரம் மாநில மக்களும் மணிப்பூர் குக்கி-ஜோ பழங்குடிகளும் தொப்புள் கொடி உறவுகள். மணிப்பூர் வன்முறையில் பாதிக்கப்பட்டவர்கள் குக்கி பழங்குடிகள். ஆனால் மணிப்பூர் வன்முறையை மத்தியில் ஆளும் பாஜக அரசு அடக்கவில்லை என்பது பொதுவான குற்றச்சாட்டு. இதனால் மணிப்பூரில் மட்டுமல்ல மிசோரமில் பாஜகவுக்கு கடும் எதிர்ப்பு இருந்தது.

மிசோரம் மக்களின் கடும் எதிர்ப்பை புரிந்து கொண்டதால், பிரதமர் மோடியுடன் ஒரே மேடையில் தேர்தல் பிரசாரம் செய்யப் போவதில்லை என முதல்வர் ஜோரம்தங்கா அறிவித்தார். மிசோரம் தேர்தலில் பாஜகவிடம் இருந்து விலகி இருப்பதாகவே எம்.என்.எஃப் வெளிப்படுத்தியது.

மிசோரம் சட்டசபை தேர்தல் நவம்பர் 7-ந் தேதி ஒரே கட்டமாக நடைபெற்றது. மிசோரம் சட்டசபை தேர்தலுக்கு முந்தைய அனைத்து கருத்து கணிப்புகளும் ஆளும் எம்.என்.எஃப் ஆட்சியை பறிகொடுக்கும்; மிசோரமில் தொங்கு சட்டசபைதான் அமையும் என்றே கூறி வந்தன. தற்போதைய தேர்தலுக்கு பிந்தைய எக்ஸிட் போல் முடிவுகளும் மிசோரமில் தொங்கு சட்டசபைதான் உருவாகும் என தெரிவித்துள்ளன. பாஜகவுடனான எம்.என்.எஃப் முறியாத உறவுதான் அக்கட்சிக்கு பெரும் பின்னடைவை ஏற்படுத்தி இருக்கிறது என்பதையே எக்ஸிட் போல் முடிவுகள் வெளிப்படுத்துகின்றன என்கின்றனர் அரசியல் பார்வையாளர்கள்.