கேசிஆர் vs காங்கிரஸ்.. திக்கு தெரியாமல் திணறும் பாஜக.. தேதி வேற சொல்லிட்டாங்களே.. தாமரை கருகுது?

ஹைதராபாத்: தெலுங்கானாவில் தேர்தல் சுரம் தீவிரம் அடைந்து உள்ள நிலையில்தான் அங்கே தேர்தல் தேதிகள் அறிவிக்கப்பட்டு உள்ளன. 5 மாநில தேர்தலோடு சேர்த்து தெலுங்கானாவில் சட்டசபை தேர்தல் நடக்க உள்ளது.

அதன்படி இதற்கான தேதிகள் இன்று அறிவிக்கப்பட்டன,

அதில்,

மிசோரம் - நவம்பர் 7ம் தேதி தேர்தல் நடக்கும்

மத்திய பிரதேசம் - நவம்பர் 14ம் தேதி தேர்தல் நடக்கும்

ராஜஸ்தான் - நவம்பர் 23ம் தேதி தேர்தல் நடக்கும்

சத்தீஸ்கர் - நவம்பர் 7 மற்றும் 17 (2 கட்டமாக தேர்தல் நடக்கும்)

தெலங்கானா - நவம்பர் 30ம் தேதி தேர்தல் நடக்கும்

5 மாநிலங்களிலும் வாக்கு எண்ணிக்கை - டிசம்பர் 3ம் தேதி தேர்தல் வாக்கு எண்ணிக்கை நடக்கும் என்று அறிவிக்கப்பட்டு உள்ளது.

லோக்சபா தேர்தலுக்கு முன்னோட்டோம்: இதில் தெலுங்கானா தேர்தல் நவம்பர் 30ம் தேதி தேர்தல் நடக்கும் என்று அறிவிக்கப்பட்டு உள்ளது. முடிவுகள் எல்லாம் ஒன்றாக டிசம்பர் 3ம் தேதிதான் வரும். பெரும் எதிர்பார்ப்பிற்கு இடையில் 5 மாநில சட்டப்பேரவை தேர்தலுக்கான தேதிகள் அறிவிக்கப்பட்டு உள்ளது. லோக்சபா தேர்தலுக்கு முன்னோட்டமாக இந்த 5 மாநில தேர்தல் பார்க்கப்படுகிறது. அடுத்த வருடம் ஏப்ரல் - மே மாதம் லோக்சபா தேர்தல் நடக்க உள்ளது. இதையடுத்து தற்போது 5 மாநில தேர்தல் முடிவுகள் அதற்கு வரப்போகும் டீசர் போல பார்க்கப்படுகிறது.

தெலுங்கானா தேர்தல்: இந்த 5 மாநில சட்டசபை தேர்தலில் தெலுங்கானா தேர்தல் மட்டும்தான் தென்னிந்தியாவில் நடக்கும் ஒரே தேர்தல் ஆகும். மொத்தமாக 119 தொகுதிகளில் இந்த தேர்தல் நடக்க உள்ளது. அங்கே சட்டசபை தொகுதிகள் குறைவாகவே உள்ளன என்றாலும் அதே தெலுங்கு காரம் எல்லா தொகுதிகளிலும் தூக்கலாகவே இருக்கும்.

அங்கே கடந்த 4 வருடமாக பாஜக - டிஆர்எஸ் (பிஆர்எஸ்) என்ற நிலைதான் இருந்தது. ஆனால் கடந்த 1வருடமாக அங்கே சிறப்பாக செயல்பட்டு காங்கிரஸ் அடித்து தூக்கி மேலே வந்துள்ளது. சட்டசபை தேர்தலில் காங்கிரசுக்கு சாதகமான சூழ்நிலை என்று சொல்லும் அளவிற்கு நிலைமை மாறி உள்ளது., இன்னொரு பக்கம் பாஜகவோ பெரிய அளவில் அரசியல் செய்ய முடியாமல்.. எந்த பாயிண்டும் கிடைக்காமல்.. பாயிண்ட் வரட்டும் பாயிண்ட் வரட்டும் என்று திக்கு தெரியாத காட்டில் தவித்துக்கொண்டு இருக்கிறது.

காங்கிரஸ் கட்சி அதே கர்நாடக வெற்றி பார்முலாவான பெண்களுக்கு இலவச பேருந்து பயணம், மாத உதவித்தொகை உள்ளிட்ட வாக்குறுதிகளை கொடுத்து தேர்தலை சந்திக்க முடிவு செய்துள்ளது. காங்கிரசுக்கு அங்கே வாய்ஸ் கூடி வரும் நிலையில்.. கே சந்திரசேகர ராவ் எப்படியாவது மீண்டும் லைம்லைட்டிற்கு திரும்ப முடிவு செய்துள்ளார். பாஜக அவரை வலுவாக தாக்க.. பாஜக இவரை வலுவாக தாக்க என்று மாறி மாறி தாக்கி.. முடிந்த அளவு காங்கிரசை லைம்லைட்டிற்கு விவாதங்களுக்குள் கொண்டு
வராமல் பார்த்துக்கொண்டு இருக்கிறார்கள்.

அங்கே கடந்த தேர்தலில் தெலுங்கானா ராஷ்டிரிய சமிதி 99 இடங்களில் வென்று ஆட்சியை பிடித்தது. காங்கிரஸ் வெறும் 7 இடங்களில்தான் வென்றது. ஆனால் இந்த முறை அதே நிலைமை தொடருமா என்ற கேள்வி உள்ளது., இங்கே பாஜக கடந்த தேர்தலில் 3 இடங்களை மட்டுமே வென்ற நிலையில் இந்த முறை எத்தனை இடங்களை வெல்லும் என்ற எதிர்பார்ப்பு எகிறி உள்ளது .

English summary

Telangana state assembly election 2023: BRS alias TRS vs Congress vs BJP, The 3 way mirchi fight in South.