வெறும் 66 ஓட்டு.. 22 தொகுதிகளில் மிகவும் குறைவான வித்தியாசம்! இது மத்திய பிரதேச ரிசல்ட் நிலவரம்!

போபால்: மத்திய பிரதேசத்தில் 2,000 வாக்குகளுக்கும் குறைவான வித்தியாசத்தில் பல தொகுதிகளில் காங்கிரஸை விட முன்னிலையில் உள்ளது பாஜக.

மத்திய பிரதேசம், சத்தீஸ்கர், மிசோரம், ராஜஸ்தான், தெலங்கானா ஆகிய 5 மாநிலங்களிலும் வாக்குப்பதிவு நடைபெற்று முடிந்தது. இந்த நிலையில், மிசோரம் மாநிலத்தை தவிற மத்திய பிரதேசம், தெலங்கானா, ராஜஸ்தான், சத்தீஸ்கர் ஆகிய 4 மாநிலங்களில் பதிவான வாக்குகளை எண்ணும் பணி இன்று காலை 8 மணிக்கு தொடங்கி நடைபெற்று வருகிறது.

மத்திய பிரதேச மாநிலத்தில் ஆளும் பாஜக, வாக்கு எண்ணிக்கையின் தொடக்கத்தில் இருந்து முன்னிலை வகித்து வருகிறது. மத்திய பிரதேசத்தில் பாஜக 161 இடங்களிலும், காங்கிரஸ் 67 இடங்களிலும் முன்னிலை வகித்து வருகிறது. இவற்றில் 40 தொகுதிகளில் முடிவுகள் அறிவிக்கப்பட்டு விட்டன. அதில் 30 தொகுதிகளில் பாஜகவும், 10 தொகுதிகளில் காங்கிரஸும் வெற்றி பெற்றுள்ளன.

மேலும், மத்திய பிரதேசத்தில் முன்னிலையில் உள்ளவற்றில் 20க்கும் மேற்பட்ட தொகுதிகளில் வாக்கு வித்தியாசம் 2000-த்திற்கும் குறைவாக உள்ளன. இதனால், எந்தச் சுற்றிலும் நிலைமை மாறலாம் என்ற சூழல் உள்ளது. பாஜக முன்னிலையில் 11 தொகுதிகளிலும், காங்கிரஸ் கட்சி முன்னிலையில் உள்ள 11 தொகுதிகளிலும் வாக்கு வித்தியாசம் 2 ஆயிரத்திற்கும் குறைவாக உள்ளது.

அதிலும் குறிப்பாக, பாஜக வேட்பாளர்கள் ஓம்பிரகாஷ் சக்லேச்சா 251 வாக்குகள் வித்தியாசத்திலும், சாஜாபூர் பாஜக வேட்பாளர் அருண் பீமாவத் 150 வாக்குகள் வித்தியாசத்திலும், குன்னார் தொகுதி பாஜக வேட்பாளர் ராஜேஷ் குமார் வர்மா 151 வாக்குகள் வித்தியாசத்திலும் முன்னிலையில் உள்ளனர். மஹித்பூர் காங்கிரஸ் வேட்பாளர் தினேஷ் ஜெயின் பாஸ் வெறும் 66 வாக்குகள் வித்தியாசத்தில் முன்னிலையில் உள்ளார்.

English summary

Madhya pradesh Assembly election results 2023 news in tamil: In Madhya Pradesh, the BJP is leading the Congress in several constituencies by a margin of less than 2,000 votes.