பீகார் தேர்தல்: ஆர்ஜேடி தலைவர் தேஜஸ்வி மீது பொது கூட்டத்தில் சரமாரி காலணிகள் வீச்சு

அவுரங்காபாத்: பீகார் சட்டசபை தேர்தல் பிரசார கூட்டத்தில் ஆர்ஜேடி தலைவர் தேஜஸ்வி யாதவ் மீது சரமாரியாக காலணிகள் வீசப்பட்டதால் பரபரப்பு ஏற்பட்டது.

பீகாரில் ஜேடியூ-பாஜக கூட்டணிக்கு எதிராக ஆர்ஜேடி-காங்கிரஸ்- இடதுசாரிகள் களத்தில் நிற்கின்றன. பீகார் முதல்வர் பதவிக்கான ரேசில் நிதிஷ்குமாரைத் தொடர்ந்து ஆர்ஜேடி தலைவர் தேஜஸ்வி யாதவ்-க்கு 2-வது இடம் உள்ளது.

பீகார் தேர்தல் குறித்த கருத்து கணிப்பு முடிவுகளில் இது தெரிவிக்கப்பட்டுள்ளது. இந்த நிலையில் அவுரங்காபாத்தில் இன்று நடைபெற்ற தேர்தல் பிரசார பொதுக்கூட்டத்தில் தேஜஸ்வி யாதவ் பங்கேற்றார்.

பொதுக்கூட்ட மேடையில் தேஜஸ்வி யாதவ் அமர்ந்த சிறிது நேரத்தில் முதலாவது செருப்பு அவரை நோக்கி வீசப்பட்டது. ஆனால் தேஜஸ்வி மீது படாமல் பொதுக்கூட்ட மேடையின் பின்வரிசையில் விழுந்தது.

கண்ணிமைக்கும் நேரத்தில் 2-வது செருப்பும் வீசப்பட்டது. இது தேஜஸ்வி யாதவின் கைகளில் போய் விழுந்தது. இதனால் தேஜஸ்வி யாதவு அதிர்ச்சி அடைந்தார். அடுத்தடுத்து செருப்புகள் வீசப்பட்டதால் ஆர்ஜேடி பொதுக்கூட்டத்தில் பரபரப்பு ஏற்பட்டது.

English summary

A pair of slippers hurled at RJD leader Tejashwi Yadav at a public rally in Aurangabad, Bihar today.