ஓகி புயலால் தமிழகத்தில் 10 பேர்; கேரளாவில் 29 பேர் பலி: 74 மீனவர்களை காணவில்லை: உள்துறை அமைச்சகம்

தமிழகம், கேரளாவில் ஓகி புயலுக்கு சிக்கி 39 பேர் பலியாகி உள்ளனர்.

டெல்லி: ஓகி புயலால் தமிழக மீனவர்கள் 10 பேரும் கேரளாவில் 29 பேரும் பலியாகி உள்ளதாக உள்துறை அமைச்சகம் தெரிவித்துள்ளது.

ஓகி புயல் பாதிப்பு தொடர்பாக உள்துறை அமைச்சகம் வெளியிட்டுள்ள அறிக்கையில் கூறப்பட்டுள்ளதாவது:

• ஓகி புயலால் மொத்தம் 39 பேர் பலியாகி உள்ளனர்.

• தமிழகத்தில் 10 பேரும் கேரளாவில் 29 பேரும் ஓகி புயலில் சிக்கி உயிரிழந்துள்ளனர்.

• தமிழகத்தைச் சேர்ந்த 74 மீனவர்கள், கேரளாவைச் சேர்ந்த 93 மீனவர்களை காணவில்லை.

• தமிழகத்தில் 220, கேரளாவில் 309, லட்சத்தீவில் 27 மீனவர்கள் மீட்கப்பட்டுள்ளனர்.

• லட்சத்தீவில் சிக்கிய 33 சுற்றுலா பயணிகள் பாதுகாப்பாக உள்ளனர்.
  

English summary

According to the Home Ministry Statement, 39 persons dead including 29 in Kerala and 10 in Tamil Nadu due to the Cyclone Ockhi.