ஜனநாயகம் படுகொலையான இந்திராவின் எமர்ஜென்சி பிரகடனப்படுத்தப்பட்டது இன்றுதான்-மறக்கமுடியாத காட்சிகள்!

42 ஆண்டுகளுக்கு முன்னர் இதே ஜூன் 25-ல் தான் இந்திரா அவசரநிலையை அமல்படுத்தினார்.

By Mathi

Published: Sunday, June 25, 2017, 17:08 [IST]

Subscribe to Oneindia Tamil

டெல்லி: இந்திய ஜனநாயகத்தின் இருண்டபக்கமாம் அவசரநிலை பிரகடனம் நாட்டில் அமல்படுத்தப்பட்ட நாள் இன்றுதான். 1975-ம் ஆண்டு இதே ஜூன் 25-ல்தான் அவசரநிலை பிரகடனம் அமலானது.

ஜனநாயக நாட்டில் சர்வாதிகாரம் தலைவிரி கோலத்தில் ஊழித் தாண்டவத்தை தெருத்தெருவாக அரங்கேற்றிய காலம் 1975-76கள்தான்.. அவசரநிலை பிரகடனம் என்ற பெயரில் இந்திரா எனும் சர்வாதிகாரியும் அவரது மகன் சஞ்சய்காந்தியும் தேசத்தை சூறையாடிக் கொண்டிருந்த காலம் அது.

இன்றைக்கும் அந்த ஜனநாயகப் படுகொலைக்கு பல்லாயிரம் பேர் சாட்சிகளாக இருக்கின்றனர்... இந்திராவின் நரவேட்டையை நினைவூட்டும் சில படங்களை பார்ப்போம்.

ஜார்ஜ் பெர்னாண்டஸ்

இது முன்னாள் மத்திய அமைச்சர் ஜார்ஜ் பெர்னாண்டஸ். தொழிற்சங்க தலைவராக இருந்த ஜார்ஜ் பெர்னாண்டஸை தேடித் தேடி வேட்டையாடியது இந்திராவின் எமர்ஜென்சி போலீஸ்.