மங்கள்யானுக்கு ரூ. 450 கோடிதான்.. ஆனால் படேல் சிலைக்கோ ரூ. 2,980 கோடி!

டெல்லி: பிரதமர் நரேந்திர மோடியின் கனவுத் திட்டமான பிரமாண்டமான சர்தார் வல்லபாய் படேல் சிலையை நிறுவ மங்கள்யான் விண்கலத் திட்டத்துக்கு ஆன செலவைப் போல நான்கு மடங்கு அதிக தொகையை செலவிடப் போகிறார்கள்.

கிராவிட்டி படத்துக்கு ஆன செலவை விட குறைந்த செலவில் மங்கள்யான் திட்டம் செயல்படுத்தப்பட்டதாக பெருமிதத்துடன் கூறியிருந்தார் மோடி. ஆனால் தற்போது மங்கள்யானுக்கு ஆன செலவை விட நான்கு மடங்கு அதிக தொகையை சர்தார் வல்லபாய் படேல் சிலைக்காக குஜராத் அரசு செலவிடப் போகிறது.

கிட்டத்தட்ட ரூ. 2980 கோடி செலவில் இந்த பிரமாண்ட சிலையை குஜராத் அரசு குஜராத்தில் நிறுவவுள்ளது. முதலில் இந்தத் திட்டத்திற்கு ரூ. 903 கோடிதான் ஆகும் என்று திட்டமிடப்பட்டிருந்தது. ஆனால் தற்போது திட்டத் தொகை கிடுகிடுவென உயர்ந்து ரூ. 2980 கோடியில் வந்து நிற்கிறதாம்.

விஞ்ஞானிகளிடம் என்ன சொன்னார் மோடி

மங்கள்யான் திட்ட வெற்றியைத் தொடர்ந்து நேற்று இஸ்ரோ விஞ்ஞானிகள் மத்தியில் பிரதமர் மோடி பேசுகையில் சிறிய பட்ஜெட்டில் எப்படி பெரிய லாபத்தைப் பெற முடியும் என்பதை இந்திய விஞ்ஞானிகள் உலகுக்கே எடுத்துக் காட்டி விட்டனர் என்று கூறியிருந்தார்.

அவர்களுக்கு மட்டும்தானா...

ஆனால் தற்போது குஜராத் அரசே ரூ. 2000 கோடி அளவுக்கு சர்தார் வல்லபாய் பட்டேல் சிலையை உருவாக்கப் போகிறது. இது மங்கள்யான் திட்டத்துக்கு ஆன செலவை விட 4 மடங்கு அதிகமாகும்.

பேஸ்புக்கில் கலாய்ப்பு

மோடியின் மங்கள்யான் தொடர்பான பேச்சையும், கிராவிட்டி பட பேச்சையும் வைத்து, சர்தார் வல்லபாய் படேல் சிலைக்கு மட்டும் ஏன் மிகப் பெரிய தொகையை மோடி செலவிட விரும்புகிறார் என்று கேட்டு கிண்டலடித்துள்ளனர் பலர்.

மத்திய அரசு ரூ. 200 கோடி

படேல் சிலை அமைப்புப் பணிக்கு மத்திய அரசு ரூ. 200 கோடியை அளிப்பதாக அறிவித்துள்ளது குஜராத் அரசு தன் பங்குக்கு ரூ. 500 கோடி தரவுள்ளது.

திட்டச் செலவு ரூ 2980 கோடியாம்

ஆனால் ஒற்றுமைச் சிலை என்று பெயரிடப்பட்டுள்ள படேல் சிலையின் மொத்தத் திட்டச் செலவு ரூ. 2980 கோடி என்ற அளவில் வந்து நிற்கிறதாம். இதற்கு ஆரம்பத்தில் ரூ. 903 கோடியைத்தான் திட்டமிட்டிருந்தனர் என்பது குறிப்பிடத்தக்கது. தற்போது கூடுதலாக ரூ. 917 கோடி அளவுக்கு பட்ஜெட் எகிறியுள்ளது.

இன்னும் 5 மங்கள்யான் தயாரிக்கலாமே...

பேசாமல் இந்த செலவுக்கு மேலும் 5 மங்கள்யான் போன்ற விண்கலங்களைத் தயாரித்து விடலாம்.. அல்லது மனிதனையே விண்வெளிக்கு அனுப்பும் திட்டத்தைக் கூட நிறைவேற்றி முடித்து விடலாம்.. நாம் சொல்லவில்லை, சமூக வலைத்தளங்களில் பேசிக் கொள்கிறார்கள்.

English summary

Prime Minister Narendra Modi was at his effusive best while praising the scientists of ISRO on their success in putting Mangalyaan into orbit around Mars. "The work that you scientists do, if we apply to daily life, we can transform it completely. It can change governance. It can change the entire system. Our speed can be changed. Such a big contribution is being made by space technology to our lives," Modi said. As some commentators on social media were quick to point out, the Prime Minister's pet project the Statue of Unity project along the Sabarmati in Gujarat will cost at least four times as much as putting a satellite in orbit around Mars.