மும்பையில் ராஜ்தாக்ரே- கமல் ஹாசன் திடீர் சந்திப்பு

மும்பை: மகாராஷ்டிரா நவநிர்வமாண் கட்சித்தலைவர் ராஜ்தாக்ரேவை அவரது இல்லத்தில் நடிகர் கமல் ஹாசன் இன்று காலை திடீரென சந்தித்து பேசினார்.

மும்பையில் உள்ளது மகாராஷ்டிரா நவநிர்வமாண் கட்சித்தலைவர் ராஜ்தாக்ரே இல்லம். இன்று காலை 10 மணியளவில் கமல்ஹாசன் அங்கு சென்றிருந்தார். அவரை ராஜ்தாக்ரே வரவேற்றார். இருவரும் சில நிமிட காலம், வரவேற்பரையில் பேசிக்கொண்டிருந்தனர்.

கல்யாண்-டோம்பிவாலி மாநகராட்சி தேர்தல் பிரச்சாரத்தில் பிஸியாக இருந்த ராஜ்தாக்ரே, கமலுக்காக நேரம் ஒதுக்கி அவரை சந்தித்துள்ளார்.

இந்த சந்திப்புக்கான காரணம் பற்றி உடனடியாக தெரியவில்லை. இது ஒரு மரியாதைநிமித்தமான சந்திப்பு என அவர்கள் தெரிவித்தனர்.

English summary

Actor Kamal Hasan met Raj Thackeray at his residence in Mumbai.