அதிருதே.. ம.பி.யில் 80% பிராமணர்கள் பாஜக பக்கம்.. 87% முஸ்லிம்கள் காங்கிரஸ் பக்கம்.. India-TV CNX

போபால்: மத்திய பிரதேசத்தில் 87% முஸ்லிம்கள் காங்கிரஸுக்கும் 80% பிராமணர்கள் பாஜகவுக்கும் ஆதரிப்பார்கள் என்கிறது India-TV CNX கருத்து கணிப்பு.

மத்திய பிரதேச சட்டசபை தேர்தலில் ஜாதி, மத அடிப்படையில் கட்சிகளுக்கான ஆதரவு தொடர்பாக India-TV CNX வெளியிட்ட கருத்து கணிப்பு முடிவுகள்

பிராமணர் வாக்குகள்: மத்திய பிரதேசத்தில் 80 சதவீத பிராமணர் வாக்காளர்கள் பாஜகவுக்கு வாக்களிக்க வாய்ப்புள்ளது. காங்கிரஸ் கட்சிக்கு வெறும் 12 சதவீத பிராமணர் வாக்குகள் மட்டுமே கிடைக்கும். 8 சதவீத பிராமணர் வாக்காளர்கள் மற்ற கட்சிகளுக்கு வாக்களிக்கக் கூடும்.

பனியா வாக்குகள்: 68 சதவீத பனியா வாக்காளர்கள் பாஜகவுக்கு வாக்களிக்க வாய்ப்புள்ளது. காங்கிரஸ் கட்சிக்கு 14 சதவீதமும் 18 சதவீதம் பேர் இதர கட்சிகளுக்கும் வாக்களிக்கலாம்.

ராஜபுத்திரர்: 72 சதவீத ராஜபுத்திர வாக்காளர்கள் மத்தியப் பிரதேசத்தில் பாஜகவுக்கு வாக்களிக்க வாய்ப்புள்ளது. காங்கிரஸ் கட்சிக்கு 12 சதவீதமும் இதர கட்சிகளுக்கு 16 சதவீதம் ராஜபுத்திரர் வாக்குகளும் கிடைக்குமாம்.

குர்மி: 54 சதவீத குர்மி வாக்காளர்கள் பாஜகவுக்கு வாக்களிக்கக் கூடுமாம். காங்கிரஸ் கட்சிக்கு 41 சதவீதமும் இதர கட்சிகளுக்கு 5 சதவீதமும் வாக்களிக்கலாமாம்.

யாதவ்: 47 சதவீத யாதவ் வாக்காளர்கள் பாஜகவுக்கும் காங்கிரஸ் கட்சிக்கு 35 சதவீதமும் வாக்களிக்கக் கூடுமாம். 18 சதவீத யாதவ் வாக்காளர்கள் மற்ற கட்சிகளுக்கு ஆதரவளிக்கலாமாம்.

ஓபிசி வாக்குகள்: மொத்தமாக 56 சதவீத ஓபிசி வாக்குகள் பாஜகவுக்கும் 32 சதவீத ஓபிசி வாக்குகள் காங்கிரஸுக்கும் கிடைக்குமாம். 12 சதவீதம் ஓபிசி வாக்காளர்கள் இதர கட்சிகளுக்கு வாக்களிக்கக் கூடுமாம்.

கிரார் தாகத்: 84 சதவீத கிரார்-தாகத் வாக்காளர்கள் பாஜகவுக்கும் காங்கிரஸ் கட்சிக்கு 15 சதவீதம் பேரும் வாக்களிப்பராம். பீல் வாக்காளர்களில் 54 சதவீதம் காங்கிரஸ் கட்சிக்கும் 35 சதவீதம் பேர் பாஜகவையும் ஆதரிப்பராம்.

ஜாதவ்- சத்னாமி: ஜாதவ்-சத்னாமி வாக்காளர்களில் 45 சதவீதம் பேர் பாஜக;
காங்கிரஸ் கட்சிக்கு 42 சதவீதம் பேர் ஆதரவளிப்பராம்.

தலித்துகள்: தலித்துகளில் 44 சதவீதம் பேர் பாஜகவுக்கும் 40 சதவீதம் பேர் காங்கிரசுக்கு ஆதரவாக இருக்கக் கூடுமாம். 16 சதவீத தலித் வாக்காளர்கள் மற்ற கட்சிகளின் பக்கம் நிற்கக் கூடுமாம்.

முஸ்லிம் வாக்குகள்: மத்திய பிரதேசத்தில் 87 சதவீத முஸ்லிம் வாக்காளர்கள் காங்கிரஸ் கட்சிக்கு வாக்களிக்க வாய்ப்புள்ளதாம். பாஜகவுக்கு வெறும் 2 சதவீத முஸ்லிம் வாக்குகள் மட்டுமே கிடைக்குமாம். 11 சதவீத முஸ்லிம் வாக்காளர்கள் மற்ற கட்சிகளை ஆதரிக்கக் கூடுமாம்.

English summary

India-TV CNX Poll results showed that the 87% Muslims will support to Congress in the Madhya Pradesh Assembly Election.