ஒடிஷாவில் வெயில் கொடுமை.. இன்று முதல் காலை 6 மணிக்கு பள்ளிகள் திறப்பு!

புவனேஸ்வர்: ஒடிஷாவில் கடுமையான வெயில் காரணமாக இன்று முதல் காலை 6 மணிக்கே பள்ளிகள் திறக்கப்பட்டுள்ளன.

ஒடிஷாவில் கோடை தொடங்கியவுடனே அனைத்து பள்ளி, கல்வி நிறுவனங்களின் நேரங்களும் மாற்றியமைக்கப்படுவது வழக்கம். நடப்பாண்டிலும் வெயில் உச்சகட்டமாக வெளுத்து வருவதால் பள்ளிக்கூட நேரங்கள் மாற்றியமைக்கப்பட்டுள்ளன.

ஒடிஷா மாநிலம் முழுவதும் இன்று முதல் காலை 6 மணிக்கு பள்ளிகள் திறக்கப்பட்டுவிடும். பின்னர் காலை 10 மணிக்கே அதாவது வெயில் கொளுத்துவதற்கு முன்பாகவே பள்ளிகள் மூடப்பட்டு விடும்.

ஒரு மாத காலம் இது நடைமுறையில் இருக்கும். கோடையின் உச்சமான மே 1-ந் தேதி முதல் அனைத்து கல்வி நிறுவனங்களுக்கும் விடுமுறை விடப்படும்.

English summary

Morning classes began in all government and private schools in Odisha from today. The School and Mass Education department had recently directed the authorities of all the schools to confine school time to the morning hours in view of the intense heat wave sweeping the state.The timing of the morning school is from 6 AM to 10 AM.