மும்பை தாக்குதல்: நாடு கடத்தப்பட்ட தஹாவூர் ராணா டெல்லியில்.. காவலில் எடுத்து விசாரிக்கிறது என்.ஐ.ஏ.!

டெல்லி: அமெரிக்காவில் இருந்து நாடு கடத்தப்பட்ட, மும்பை தாக்குதல் வழக்கின் குற்றவாளியான பயங்கரவாதி தஹாவூர் ராணாவை அழைத்து வந்த விமானம் டெல்லியில் தரையிறங்கியது. டெல்லியில் தேசிய புலனாய்வு ஏஜென்சியான என்.ஐ.ஏ., ராணாவை கைது செய்தது. இதையடுத்து டெல்லி சிறையில் ராணா அடைக்கப்பட்டார். இதன் பின்னர் ராணாவை, என்.ஐ.ஏ. அதிகாரிகள் காவலில் எடுத்து விசாரணை நடத்த உள்ளனர்.

இதனைத் தொடர்ந்து அமெரிக்கா நீதிமன்ற உத்தரவுப்படி ராணா, அமெரிக்காவில் இருந்து இந்தியாவுக்கு நாடு கடத்தபப்ட்டார். இதனையடுத்து டெல்லியில் உச்சகட்ட பாதுகாப்பு ஏற்பாடுகள் செய்யப்பட்டிருந்தன. மத்திய உள்துறை அமைச்சர் அமித்ஷா, பாதுகாப்பு ஆலோசகர் அஜித் தோவல், வெளியுறவுத் துறை அமைச்சர் ஜெய்சங்கர் உள்ளிட்டோரும் ராணா விவகாரம் தொடர்பாக நேற்று தீவிர ஆலோசனை நடத்தி இருந்தனர்.

இந்த நிலையில் தஹாவூர் ராணாவை அழைத்து வந்த விமானம் டெல்லியை வந்தடைந்தது. டெல்லி விமான நிலையத்தில் தஹாவூர் ராணாவை என்.ஐ.ஏ. அதிகாரிகள் கைது செய்தனர். இதனைத் தொடர்ந்து டெல்லி திஹார் சிறையில் ராணா அடைக்கப்பட்டார். சிறையில் அடைக்கப்பட்ட ராணாவை, என்.ஐ.ஏ. அதிகாரிகள் காவலில் எடுத்து விசாரிக்க உள்ளனர்.

The National Investigation Agency (NIA) on Thursday evening formally arrested Tahawwur Hussain Rana, the key conspirator in the deadly 26/11 Mumbai terror attacks, immediately after his arrival at IGIA, New Delhi, following his successful extradition from the United States.… pic.twitter.com/Tg3GBrjbo5

— ANI (@ANI) April 10, 2025

என்.ஐ.ஏ. அதிகாரிகள் காவலில் எடுத்து விசாரிக்கும் போது, மும்பை தாக்குதல் சதித் திட்டத்தை தீட்டியது யார்? லஷ்கர் இ தொய்பாவுக்கு பாகிஸ்தான் அரசு எப்படி உதவி செய்தது? மும்பை தாக்குதல் சம்பவத்தில் இன்னமும் பிடிபடாத ப்யங்கரவாதிகள் யார்? என்பது குறித்த பல்வேறு தகவல்கள் கிடைக்கும் என்பது எதிர்பார்ப்பு.

English summary

Terrorist Tahawoor Rana is set for arrest by India's NIA upon his extradition from the US. His interrogation aims to reveal key details about the Mumbai attacks and the Pakistani networks involved.