மிகப்பெரிய போர் வெடிக்கும்.. ரத்தம் வெள்ளமாக செல்லும்.. 2026ம் ஆண்டிற்கு.. நாஸ்டர்டாமஸ் ஷாக் கணிப்பு

சென்னை: 2026ல் என்ன நடக்கும் என்று நாஸ்டர்டாமஸ் வெளியிட்ட கணிப்புகள் இங்கே கொடுக்கப்பட்டு உள்ளன. உலக நாடுகளுக்கு பல முக்கியமான எச்சரிக்கைகளை நாஸ்டர்டாமஸ் வெளியிட்டு உள்ளார்.

உலகம் முழுக்க எதிர்காலத்தை கணித்து வல்லுனர்களின், தீர்க்கதரிசிகளில் மிக முக்கியமான நபராக கருதப்படுபவர் நாஸ்டர்டாமஸ். பிரான்ஸ் நாட்டை சேர்ந்த இவர் எதிர்காலத்தில் உலகம் முழுக்க என்ன நடக்கும் என்பதை தனது புத்தகமான Les Propheties என்பதில் கவிதைகளாக எழுதி வைத்துவிட்டு சென்றார்.

விண்வெளி அறிஞர், ஆன்மீகவாதி, தீர்க்கதரிசி என்று அறியப்பட்ட இவர் 465 வருடங்களுக்கு முன் எழுதிய இந்த நூலில் எப்போது என்னென்ன நடக்கும் என்று விலாவரியாக குறிப்பிட்டுள்ளாராம். உலகின் முக்கியமான நிகழ்வுகளை எல்லாம் இவர் இலைமறைகாயாக குறிப்பிட்டுள்ளார்.

2025ல் என்ன நடக்கும்

இந்த நிலையில்தான் தற்போது வரும் 2026ல் என்ன நடக்கும் என்ற கணிப்புகளை இவரின் புத்தகத்தில் இருந்து வெளியிட்டு உள்ளனர். ஐரோப்பாவின் பிரபலமான தீர்க்கதரிசியான நாஸ்ட்ராடாமஸ், தனது கணிப்புகள் பல நிகழ்வுகளுடன் ஒத்துப் போனதால், உலகெங்கும் அறியப்பட்டவர். ஒவ்வொரு புத்தாண்டிலும் அடுத்த பன்னிரண்டு மாதங்களில் என்ன நடக்கும் என்ற எதிர்பார்ப்பு எழுவது வழக்கம்.

செப்டம்பர் 11 பயங்கரவாதத் தாக்குதல்களுக்குப் பிறகு நாஸ்ட்ராடாமஸ் புகழ் பல மடங்கு உயர்ந்தது. அதை நாஸ்ட்ராடாமஸ் துல்லியமாக கணித்து இருந்தார். அவரது சில கணிப்புகள் நிஜ நிகழ்வுகளுடன் ஒத்துப் போனது பலரை ஆச்சரியப்படுத்தியது. அன்று முதல், ஒவ்வொரு புதிய ஆண்டுக்கும் நாஸ்ட்ராடாமஸ் என்ன கணித்திருக்கிறார் என்பதைப் படிக்கும் வழக்கம் பரவலாகியுள்ளது.

நாஸ்ட்ராடாமஸ் எழுத்துக்கள், நூறு செய்யுள்கள் கொண்ட தொகுதிகளாக 'நூற்றாண்டுகள்' (centuries) என்று அழைக்கப்படுகின்றன. வரவிருக்கும் ஆண்டு (2026) இந்த நூற்றாண்டின் 26 ஆம் ஆண்டாக இருப்பதால், அவரது 'நூற்றாண்டுகளில்' உள்ள 26 ஆவது செய்யுள்கள் 2026 ஆம் ஆண்டுக்கான தீர்க்கதரிசனங்களாகப் பார்க்கப்படுகின்றன. அவற்றின் முக்கிய கணிப்புகளைக் காண்போம்.

2026ல் என்ன நடக்கும்?: நாஸ்ட்ராடாமஸ்

"ஒரு பெரிய மனிதன் பகலில் ஒரு இடியால் வீழ்த்தப்படுவான்." என்றுள்ளார். இது ஒரு முக்கிய நபர் உண்மையில் மின்னலால் தாக்கப்படுவார் என்று அர்த்தமல்ல. 'இடி' என்பது ஒரு கொலையாளியின் துப்பாக்கி குண்டு அல்லது வேறு ஏதேனும் தாக்குதல் வடிவமாக இருக்கலாம். அதாவது துப்பாக்கி குண்டு. 'பெரிய மனிதன்' என்பது தெளிவற்றதாகும்; இது தனது துறையில் பெரும் செல்வாக்கு கொண்ட எந்தவொரு நபராகவும் இருக்கலாம். அரசியல்வாதியாக இருக்கலாம்.

"டஸ்கனியில் கொள்ளை நோய்." பரவும் என்றுள்ளார். இந்த கணிப்பின் புவியியல் தெளிவானது. ஆசியாவிற்கு வெளியே கோவிட்-19 முதலில் கண்டறியப்பட்ட இடம் டஸ்கனி என்பதால், இந்த பிரதேசம் தொற்றுநோய்களால் பலமுறை பாதிக்கப்பட்டுள்ளது. அந்த பகுதியில் மீண்டும் வைரஸ் தாக்குதல்கள் நடக்கலாம்.

"டிசினோ இரத்தத்தால் நிரம்பி வழியும்." என்றுள்ளார். டிசினோ என்பது சுவிட்சர்லாந்தில் உள்ள ஒரு பிரதேசம். இது பெரும்பாலும் இத்தாலிய மொழி பேசும் மக்களைக் கொண்டது. சுவிட்சர்லாந்தின் பிற பகுதிகளைப் போலவே, இதுவும் மிகவும் அழகானது. புகழ்பெற்ற சுவிஸ் நடுநிலைமை காரணமாக போர்களின் அழிவிலிருந்து தப்பித்து வந்துள்ளது. இந்த பகுதி போரால் பாதிக்கும் என்று அவர் கூறி உள்ளார்.

"தேனீக்களின் பெரும் கூட்டம் எழும், அவை எங்கிருந்து வந்தன என்று ஒருவரும் அறிய மாட்டார்கள்." இந்தச் செய்யுள் உண்மையான தேனீக்கள் அல்லது பூச்சிகளைப் பற்றி பேசுகிறதா? அல்லது ஒரு நவீன நிகழ்வான – ட்ரோன்களைப் பற்றிய குறிப்பா? சமீபகாலப் போர்கள் மற்றும் ஆயுத மோதல்களில் ட்ரோன்கள் பரவலாகப் பயன்படுத்தப்பட்டுள்ளன. இதுவும் ஒரு யுகமாகப் பார்க்கப்படுகிறது.

நாஸ்ட்ராடாமஸ் கணிப்பு

"மன்னர்கள் மற்றும் இளவரசர்களின் சிலைகளை தயாரிப்பார்கள்." இது இதற்கு முன் நடவாத நிகழ்வு அல்ல. ஆனால் இங்கு குறிப்பிடப்படும் மன்னர்கள் மற்றும் இளவரசர்கள் யார்? கிம் ஜாங்-அன் போன்ற சர்வாதிகாரிகளா அல்லது டொனால்ட் டிரம்ப் போன்ற ஜனநாயகத் தலைவர்களா? எதுவாக இருந்தாலும், சிலைகள் அல்லது உருவங்கள் சாதாரணமாகக் காணப்படுவதுதான்.

"ஏழு கப்பல்களைச் சுற்றி போர்க் கப்பல்கள் புறப்படும்; ஒரு மரணப்போர் வெடிக்கும்." என்றுள்ளார். நாஸ்ட்ராடாமஸ் கூற்றுப்படி, இந்த செய்யுள் 'நூற்றாண்டுகள்' ஏழாம் பாகத்தில் 26 ஆவது செய்யுளாகும். இது ஒரு வித கடற்போரைப் பற்றி பேசுவதாகத் தெரிகிறது. இது அமெரிக்காவிற்கும் வெனிசுலாவிற்கும் இடையிலான மோதலா அல்லது சீனா மற்றும் தைவான் தொடர்பான ஒரு ஆபத்தான போராக இருக்குமா என்ற கேள்விகள் எழுகின்றன.

"மாட்ரிட் தலைவர் அம்புகளால் காயம் பெறுவார்." 'தலைவர்' என்பது ஸ்பெயின் மன்னர் முதல் ரியல் மாட்ரிட் கால்பந்து அணியின் கேப்டன் வரை யாரையும் குறிக்கலாம். 'காயம்' மரணத்தை விளைவிப்பதாக இருக்க வேண்டியதில்லை. மேலும், 'அம்புகள்' உருவகமாக இருக்கலாம். ஸ்பெயின் அரச குடும்பமும் அரசியல் அமைப்பும் பல சர்ச்சைகளில் சிக்கியுள்ளதால், இந்த அம்புகள் குற்றச்சாட்டுகளாகவும் இருக்கலாம்.

"கொடூரமான போர்களால்" சூழப்பட்டு "எதிரிகளை விட மோசமான துரோகங்களால்" சில நாடுகள் வீழ்த்தப்படும் என்று எச்சரித்து உள்ளார். "பழங்கால பிளேக்" வெடிப்பை உலகம் எதிர்கொள்ளும். இங்கிலாந்துக்கு புத்தாண்டு கொண்டாட்டம் அதிகம் இருக்காது.. அதற்கு காரணமாக இந்த பிளேக் அமைந்துவிடும் என்று நாஸ்ட்ராடாமஸ் கணித்துள்ளார். ஏற்கனவே அவரது COVID-19 தொற்றுநோய் கணிப்பு உண்மையாகிவிட்டதால்.. இந்த முறையும் வேறு ஒரு பெருந்தொற்று பரவுமா என்ற அச்சம் எழுந்துள்ளது.

English summary

Nostradamus 2026 predictions are explored through the centuries framework, analysing potential global events such as health, security, and geopolitical tensions. The article presents cautious interpretations of quatrains while highlighting the need for context and verification in forecasting.