தெ.தேசம் புதைகுழிக்கு போச்சுன்னும் சொன்னாங்க.. மீண்டும் வந்தோமே.. சந்திரபாபு நாயுடு நம்பிக்கை

அமராவதி: தெலுங்குதேசம் கட்சியின் 4 ராஜ்யசபா எம்.பி.க்கள் பாஜகவுக்கு தாவியதைப் பற்றி தாம் கவலைப்படவில்லை என்றும் தோல்விகளில் இருந்து மீண்டு எழுவோம் என்றும் அக்கட்சியின் தலைவர் சந்திரபாபு நாயுடு நம்பிக்கை தெரிவித்துள்ளார்.

லோக்சபா தேர்தலில் தெலுங்குதேசம் படுதோல்வி அடைந்தது. சட்டசபை தேர்தலிலும் வரலாறு காணாத தோல்வியை சந்தித்து ஆட்சியை பறிகொடுத்தது.

இதையடுத்து தெலுங்குதேசம் கட்சியில் சலசலப்புகள் வெடிக்கத் தொடங்கின. இதன் முதல் கட்டமாக 6 ராஜ்யசபா எம்.பிக்களில் 4 பேர் தங்களை பாஜகவில் இணைத்துவிட்டதாக அறிவித்துள்ளனர். இவர்களில் 3 பேர் பாஜக செயல் தலைவர் நட்டாவை நேரில் சந்தித்து பாஜகவில் இணைந்தனர்.

தற்போது ஐரோப்பிய நாடுகளில் குடும்பத்துடன் சுற்றுலா பயணம் சென்றிருக்கக் கூடிய சந்திரபாபு நாயுடுவுக்கு இந்த கட்சித் தாவல் அதிர்ச்சியை ஏற்படுத்தியுள்ளது. இந்த அரசியல் திருப்பங்கள் தொடர்பாக அடுத்தடுத்து ட்வீட் பதிவுகளைப் போட்டு வருகிறார். அப்பதிவுகளில் சந்திரபாபுந நாயுடு பதிவிட்டுள்ளதாவது:

The reason behind @jaitdp differing with BJP was to achieve Special Status for AP which was left in the lurch post-bifurcation. It would have been easy for me to remain friendly with BJP while betraying the future of AP and its crores of people. I didn’t do that.

— N Chandrababu Naidu (@ncbn) June 20, 2019

சிறப்பு அந்தஸ்து

ஆந்திராவுக்கு சிறப்பு அந்தஸ்து வழங்கும் விவகாரத்தில்தான் பாஜகவுடன் கருத்து வேறுபாடு ஏற்பட்டது. ஆந்திராவின் எதிர்காலத்துக்கும் பல கோடி ஆந்திரா மக்களுக்கும் துரோகம் செய்துவிட்டு பாஜகவுடன் நட்பு பாராட்டுவது என்பது எனக்கு எளிதானதுதான். ஆனால் நான் அதை ஒருபோதும் செய்யமாட்டேன்.

All my life, I have strived for the good of people and will continue to do so regardless of being in power or not. TDP MPs joining BJP today is the result of my fight for AP's rights. They had their own personal agendas to address.

— N Chandrababu Naidu (@ncbn) June 20, 2019

மக்களின் உரிமை போராட்டம்

மக்களுக்கு எது நல்லதோ அதைமட்டுமே நான் செய்து வருகிறேன். ஆட்சியில் இருந்தாலும் இல்லாவிட்டாலும் இதையே செய்வேன். ஆந்திரா மக்களின் உரிமைகளுக்கு நான் போராடியதன் விளைவாக தெலுங்குதேச எம்பிக்கள் கட்சி தாவியுள்ளனர். ஏனெனில் அவர்கல் தங்களது சொந்த பிரச்சனைகளுக்காகத்தான் பாஜகவுக்கு மாறியுள்ளனர்.

These crises situations are not new to me, not new to the party. Earlier, many said TDP is dead. Many said TDP is a closed chapter. Many said leaders are deserting the party and that it will be gone and buried. We never gave up. We came back.

— N Chandrababu Naidu (@ncbn) June 20, 2019

மீண்டும் வந்தோம்.. .வருவோம்

இப்படியான பிரச்சனைகள் எனக்கோ, கட்சிக்கோ புதியது அல்ல. தெலுங்குதேசம் கட்சி செத்து போய்விட்டது என பலரும் சொன்னார்கள்... தெலுங்குதேசத்தின் அத்தியாயம் முடிந்துவிட்டது என்றார்கள்... தெலுங்குதேசத்தை விட்டு அக்கட்சித் தலைவர்கள் ஓடிவிட்டார்கள் என்றார்கள்.. கட்சி புதைகுழிக்கு போய்விட்டது என்றனர்.. ஆனால் நாங்கள் மீண்டும் வந்தோம்.

We have lakhs of Karyakarthas and crores of Telugu people behind us. History will repeat itself. There is nothing to worry #TDPWillBeBack

— N Chandrababu Naidu (@ncbn) June 20, 2019

நம் வரலாறு மீண்டும் வரும்

லட்சக்கணக்கான தொண்டர்கள், கோடிக்கணக்கான தெலுங்கு மக்கள் எங்களுக்குப் பின்னால் இருக்கின்றனர். வரலாறு மீண்டும் வரும். இதில் கவலைப்பட எதுவுமே இல்லை.

இவ்வாறு சந்திரபாபு நாயுடு பதிவிட்டுள்ளார்.

English summary

TDP President Chandrababu Naidu tweet in his page, TDP MPs joining BJP today is the result of my fight for AP's rights. They had their own personal agendas to address.