அது சரி, அது சரி.. கத்காரி வீடியோவைப் போட்டு வாரிய ராகுல் காந்தி

டெல்லி: மத்திய அமைச்சர் நிதின் கத்காரி, நடிகர் நானா படேகருடன் உரையாடும் ஒரு டிவி நிகழ்ச்சி குறித்த வீடியோவைப் போட்டு பாஜகவை கிண்டலடித்துள்ளார் காங்கிரஸ் தலைவர் ராகுல் காந்தி.

கலர்ஸ் டிவியில் இடம் பெற்ற ஒரு நிகழ்ச்சியில் நடிகர் நானே படேகருடன் (காலா படத்தில் நடித்த அதே நானாதான்.. சமீபத்தில் கூட நடிகை தனுஸ்ரீ தத்தா கூறிய பாலியல் முறைகேடு புகாரிலும் இவர் சிக்கினார்) உரையாடுகிறார் கத்காரி. அப்போது எதார்த்தமாக அவர் பேசுகிறார்.

அப்போது, நாங்கள் மறுபடியும் ஆட்சிக்கு வருவோம் என்ற நம்பிக்கை கொஞ்சம் கூட இல்லை. ஆனால் வாக்குறுதிகளை நிறைய வழங்கி வருகிறோம். அதை நிறைவேற்ற முடியுமா என்று தெரியாது. ஆனால் நாங்கள் கூறும் வாக்குறுதிகளை மக்கள் வாய் பிளந்து பார்க்கிறார்கள், கேட்கிறார்கள். அதுதான் எங்களுக்குத் தேவை. மீண்டும் ஆட்சிக்கு வந்தால்தானே நிறைவேற்றுவது குறித்து நாங்கள் கவலைப்பட வேண்டும் என்று கூறியுள்ளார் கத்காரி.

सही फ़रमाया, जनता भी यही सोचती है कि सरकार ने लोगों के सपनों और उनके भरोसे को अपने लोभ का शिकार बनाया है| pic.twitter.com/zhlKTrKHgU

— Rahul Gandhi (@RahulGandhi) October 9, 2018

இந்தப் பேச்சுக்கு முன்பும், பின்பும் கத்காரி என்ன பேசினார் என்பது அந்த வீடியோவில் இல்லை. எனவே எந்த அர்த்தத்தில் இப்படி கத்காரி பேசினார் என்பது தெரியவில்லை. ராகுல் காந்தி இந்த வீடியோவைத்தான் ஷேர் செய்துள்ளார் தனது டிவிட்டரில்.

கூடவே, மக்களுக்கும் தெரியும், இந்த அரசு தங்களது கனவுகளையும், நம்பிக்கையையும் பலியாக்கி விட்டது என்றும் ராகுல் காந்தி நக்கலடித்துள்ளார்.

{document1}

English summary

Congress president Rahul Gandhi has shareed Union Minister Nitin Gadkari's video in his Twitter and slammed BJP.