‛‛புல்லரிக்குதே’’.. அயோத்தி ராமர் சிலையின் அழகான சிரிப்பை பாருங்க.. ஏஐ தொழில்நுட்ப வீடியோ வைரல்

அயோத்தி: அயோத்தி ராமர் கோவில் கருவறையில் உள்ள 5 வயது பால ராமரின் சிலை சிரித்த முகத்துடன் செதுக்கி வைக்கப்பட்டுள்ளது. இந்த சிலை தொடர்பான வீடியோ, போட்டோக்கள் வெளியாகி இணையதளத்தில் வேகமாக பரவி பக்தர்களை பரவசப்படுத்தி வருகிறது. இந்நிலையில் தான் ஏஐ தொழில்நுட்பத்தில் உருவாக்கப்பட்ட அயோத்தி பால ராமர் சிலை தொடர்பான வீடியோ வெளியாகி பார்க்கும் அனைவரையும் புல்லரிக்க வைக்கிறது.

உத்தர பிரதேச மாநிலம் அயோத்தியில் பிரமாண்டமாக ராமர் கோவில் கட்டப்பட்டுள்ளது. திட்டமிட்டப்படி நேற்றைய தினம் கும்பாபிஷேகம் கோலாகலமாக நடந்து முடிந்தது. கோவில் கருவறையில் கடந்த 18 ம் தேதி நிறுவப்பட்ட 5 வயது பால ராமர் சிலைக்கு பிரதமர் மோடி பிரான் பிரதிஷ்டை சடங்குகளை செய்தார்.

அதன்பிறகு ராமர் சிலையின் கண்கள் திறக்கப்பட்டது. சாந்தமான முகத்தில் புன்முருவல் சிரிப்போடு ராமர் சிலை பக்தர்களுக்கு காட்சியளித்தது. நேற்றைய தினம் பக்தர்கள் தரிசனத்துக்கு அனுமதிக்கப்படவில்லை. பக்தர்கள் இன்று முதல் கோவிலில் தரிசனம் செய்து வருகின்றனர்.

காலை 3 மணி முதலே கோவிலில் மக்கள் குவிந்து போட்டி போட்டு கொண்டு கோவிலில் தரிசனம் செய்து வருகின்றனர். காலை 7 மணிக்கு கோவிலில் மக்கள் தரிசனத்துக்கு அனுமதிக்கப்பட்டபோது அதிகப்படியான கூட்டத்தால் தள்ளுமுள்ளு ஏற்பட்டது. தற்போதைய சூழலில் இன்று 5 லட்சம் பக்தர்கள் வரை தரிசனம் செய்வார்கள் என எதிர்பார்க்கப்படுகிறது.

இந்நிலையில் தான் தற்போது இணையதளங்களில் அயோத்தி ராமர் கோவில் தொடர்பான வீடியோக்கள் வெளியாகி வேகமாக பரவி வருகிறது. அந்த வீடியோவில் சிரித்த முகத்துடன் தலையில் கிரீடம், கையில் வில், உடலில் நகைகள் அணிந்து சாந்த முகத்துடன் ராமர் காட்சியளிக்கிறார். இதற்கிடேயே தான் அயோத்தி பால ராமர் சிலை தொடர்பான ஏஐ தொழில்நுட்பத்துடன் உருவாக்கப்பட்ட வீடியோ ஒன்று இணையதளங்களில் வேகமாக பரவி வருகிறது.

இந்த வீடியோ என்பது பார்ப்பாரை புல்லரிக்க வைக்கிறது. அதாவது அயோத்தி ராமர் கோவில் கருவறையில் நேற்று பிரதிஷ்டைக்கு பிறகு பால ராமரின் சிலையின் கண்கள் திறக்கப்பட்டன. இந்நிலையில் தான் இந்த சிலை தலை திருப்பி பக்தர்களை நோக்கி அங்கும் இங்கும் பார்த்து கண்களை சிமிட்டி புன்முருவல் செய்தால் எப்படி இருக்கும் என்ற அடிப்படையில் ஏஐ தொழில்நுட்பத்தில் வீடியோ உருவாக்கப்பட்டுள்ளது. இந்த வீடியோ தற்போது அனைவரையும் கவர்ந்துள்ளது.

அயோத்தி ராமர் கோவில் கருவறையில் வைக்கப்பட்டுள்ள பால பருவ ராமர் சிலையை கர்நாடகா மாநிலம் மைசூரை சேர்ந்த சிற்பி அருண் யோகிராஜ் வடிவமைத்தார். இந்த சிலை கர்நாடகாவின் எச்டி கோட் தாலுகாவில் உள்ள புஜ்ஜேகவுடனபுரா கிராமத்தில் உள்ள பாறையில் இருந்து வெட்டி எடுக்கப்பட்டுள்ளது. சிலையின் மொத்த உயரம் என்பது 51 இன்ச் ஆகும். 200 கிலோ எடை கொண்டது.

I legit got goosebumps 🔥🔥🔥🔥

who did this? 😍🥰#Ram #RamMandir#RamMandirPranPrathistha#RamLallaVirajman #AyodhaRamMandir#Ayodha #EarthquakePH #earthquake pic.twitter.com/HZShK26gSj

— Sunil choudhary (@tadasunil98) January 23, 2024

இந்த சிலையை சுற்றி அலங்கார வளைவு அமைக்கப்பட்டுள்ளது. அதில் விஷ்ணுவின் 10 அவதார வடிவங்கள் சிற்பமாக இடம்பெற்றுள்ளது. ராமர் விஷ்ணுவின் அவதாரமாக இருப்பதால் இப்படி சிலை அமைக்கப்பட்டுள்ளது. மேலும் சுற்றிய அலங்காரத்தில் சங்கு, சக்கரம், தாமரை, கதை, பிரணவம், சுவத்திகம், போன்ற சிற்பங்கள் இடம் பெற்றுள்ளன.

சிலையின் கீழ் பகுதியில் நவகிரங்களான சூரியன், புதன், சுக்கிரன், குரு, ராகு கேது, வெள்ளி, சந்திரன், செவ்வாய், சனி உள்ளிட்டவற்றின் சிற்பங்கள் உள்ளன. இதுமட்டுமின்றி ஒவ்வொரு ஆண்டின் ராமநவமி தினத்தில் சூரியஒளி ராமர் சிலையின் நெற்றியின் விழும்படி கருவறை வடிவமைக்கப்பட்டுள்ளது என்பது குறிப்பிடத்தக்கது.

English summary

A statue of 5-year-old child Rama is carved with a smiling face in the sanctum sanctorum of the Ayodhya Ram temple. The video and photos related to this idol have been released and are spreading rapidly on the internet and are enthralling the devotees. In this case, a video related to Ayodhya's Bala Rama idol, created using AI technology, is making everyone goosebumps.