பல கோடி வர்த்தகம் உருவாக காரணம்.. காஷ்மீர் முதல் கன்னியாகுமரி வரை வாஜ்பாய் செய்த காரியம்!

டெல்லி: வாஜ்பாய் பிரதமராக இருந்த போது காஷ்மீர் முதல் கன்னியாகுமரி வரை பொதுமக்களுக்கு பெரிதும் பயன்படும் வகையில் நான்கு வழிச்சாலை அமைத்தார். இதுவே இந்தியா முழுக்க பலகோடி வர்த்தகம் நடக்க காரணமாக அமைந்தது.

எய்ம்ஸ் மருத்துவமனையில் சிகிச்சை பெற்றுவந்த வாஜ்பாய் மரணம் அடைந்துள்ளார். உடல் நலக்குறைவால் அவர் மரணம் அடைந்துள்ளார். அவர் இந்திய சாலைகளில் நிகழ்த்திய மேஜிக்கை இப்போது நாம் நினைவு கூர்ந்தாக வேண்டும்.

2004 ஆம் ஆண்டு வாஜ்பாய் பிரதமராக இருந்த போது இந்தியா முழுவதையும் இணைக்கும் வகையில் காஷ்மீர் முதல் கன்னியாகுமரி வரையிலான நான்கு வழி சாலை திட்டத்தை கொண்டு வந்தார்.

வாஜ்பாய் பிரதமராக பணியில் அமர்வதற்கு முன்பு இந்தியாவில் காஷ்மீர் முதல் கன்னியாகுமரி வரை இரு வழிச்சாலைகளில் தான் மக்கள் பயணிக்க வேண்டும். அதனால் இருசக்கரம், நான்குச்சக்கர வாகன ஓட்டிகள் மிகவும் சிரமத்துக்கு ஆளாகினார்கள். மேலும் செல்லும் இடத்திற்கு நேரத்திற்கு செல்ல முடியாமல் அவதிப்பட்டனர். அது மட்டும் அல்லாமல் மக்கள் நிறைய விபத்துக்களையும் சந்திக்க நேர்ந்தது.

ஆனால் வாஜ்பாய் கொண்டுவந்த நான்கு வழிச்சாலை திட்டத்தினால் பொதுமக்கள் பெரிதும் பயனடைந்தனர், குறிப்பாக மக்கள் 200 கி.மீ உள்ள தொலைவை இரு வழிச்சாலை இருந்தபோது 6 மணி நேரத்தில் கடந்தார்கள். வாஜ்பாய் கொண்டு வந்த நான்கு வழிச்சாலை திட்டத்தினால் 3 மணி நேரத்தில் தற்போது செல்ல முடிகிறது.

இதனால் பயண நேரம் பாதியாக குறைந்துள்ளது. இதுவே இந்தியா முழுக்க பலகோடி வர்த்தகம் நடக்க காரணமாக அமைத்தது. ஆம் இது இந்தியாவில் பல புதிய தொழிற்சாலை உருவாக காரணமாக அமைத்தது. பல புதிய நிறுவனங்கள் வர காரணமாக அமைந்தது.

தொழிற்சாலைகளுக்கு கனரக பொருட்களை ஏற்றிச்செல்ல முடிகிறது. இது மட்டுமல்லாமல் அவசர தேவைக்காக மருத்துவமனை செல்பவர்கள் பயன் அடைந்து வருகிறார்கள். மக்கள் இந்த சாலையால் மிகுந்த பயன்பெற்று வருகின்றனர்.

English summary

In 2004, When Vajpayee was Prime Minister, he brought the four-way road project from Kashmir to Kanyakumari to connect India. Vajpayee brought this four-way road for the public and the people benefited greatly.