இன்று கர்நாடகா பந்த்.. எவையெல்லாம் இயங்கும்? எவையெல்லாம் முடங்கும்? #karnatakabandh

By Veera Kumar

Updated: Friday, September 9, 2016, 0:21 [IST]

Subscribe to Oneindia Tamil

பெங்களூர்: காவிரியிலிருந்து தமிழகத்திற்கு தண்ணீர் திறந்துவிட உச்சநீதிமன்றம் உத்தரவிட்ட நிலையில், அதை எதிர்த்து, கன்னட சங்கங்கள் இன்று ஒருநாள் வேலை நிறுத்தத்திற்கு அழைப்புவிடுத்துள்ளன. காலை 6 மணி முதல் மாலை 6 மணிவரை பந்த் நடைபெற உள்ளது. அன்றைய தினம் எவையெல்லாம் இயங்கும், எவையெல்லாம் இயங்காது என்பது குறித்த ஒரு பார்வை இதோ:

கன்னட சங்கங்களின் கூட்டமைப்பு தலைவர் வாட்டாள் நாகராஜ் கூறுகையில், பந்த்துக்கு, 1100 சங்கங்கள் ஆதரவு தெரிவித்துள்ளதாக கூறினார். பெங்களூர் டூரிஸ்ட் டாக்சி உரிமையாளர்கள் சங்கத்தை சேர்ந்த ராமகிருஷ்ணா கூறுகையில், சுமார் 60 ஆயிரம் டாக்சிகள் இன்றைய வேலை நிறுத்தத்தில் பங்கேற்க உள்ளதாகவும், தனியார் நிறுவனங்களிடம் இதுகுறித்து முன்கூட்டியே தாங்கள் தெரிவித்துவிட்டதாகவும் கூறினார்.

What are the services will be available on Karnataka Bandh day

கர்நாடக பந்த்திற்கு மாநில அரசு ஊழியர் சங்கம் முழு ஆதரவு தெரிவித்துள்ளது. இன்று 'மாஸ் லீவு' எடுத்து பந்த்துக்கு ஆதரவு அளிக்கிறது அரசு ஊழியர் சங்கம். பெங்களூரில், டவுன்ஹால் பகுதியில் இருந்து ஃப்ரீடம் பார்க் வரையில், மாட்டு வண்டி பேரணி நடத்த உள்ளது அரசு ஊழியர் சங்கம்,

பெட்ரோல் பங்க் சங்கம், ஹோட்டல் சங்கத்தினரும் பந்த்துக்கு முழு ஆதரவு அளித்துள்ளது. தனியார் பள்ளி கூட்டமைப்பும் பந்த்துக்கு ஆதரவு அளித்துள்ளது.

பெங்களூர் உள்ளிட்ட கர்நாடகா முழுக்க எந்தெந்த சேவைகள் கிடைக்காது, எவையெல்லாம் கிடைக்கும் என்பது குறித்த ஒரு பார்வை: