ராஜஸ்தானில் இதை யாருமே எதிர்பார்க்கவே இல்லை.. பாஜக vs காங்கிரஸ்.. வெல்லப்போவது யார்.. புது சர்வே

ஜெய்ப்பூர்: ராஜஸ்தான் மாநிலத்தில் விரைவில் சட்டசபைத் தேர்தல் அங்கே எந்த கட்சி ஆட்சியைப் பிடிக்கும் என்பது குறித்து லோக்போல் அமைப்பு நடத்திய கருத்துக் கணிப்பு முடிவுகள் வெளியாகியுள்ளது.

ராஜஸ்தான் மாநிலத்தில் அசோக் கெலாட் தலைமையிலான காங்கிரஸ் அரசு ஆட்சி நடந்து வருகிறது.. அங்கு இன்னும் சில வாரங்களில் சட்டசபைத் தேர்தல் நடைபெறும் நிலையில், அங்குத் தேர்தல் ஜுரம் ஆரம்பித்துள்ளது.

ராஜஸ்தான் மாநிலத்தைப் பொறுத்தவரை அங்கே மொத்தம் 200 தொகுதிகள் இருக்கும் நிலையில், அங்கே கட்டமாக வரும் நவ. 25ஆம் தேதி தேர்தல் நடைபெறுகிறது. அதைத் தொடர்ந்து டிச. 3ஆம் தேதி வாக்கு எண்ணிக்கை நடைபெறுகிறது.

ராஜஸ்தான் தேர்தல்: ராஜஸ்தானில் காங்கிரஸ் மற்றும் பாஜக இடையே நேரடியாகப் போட்டி இருப்பதால், இது முக்கியமானதாகப் பார்க்கப்படுகிறது. ஒரு பக்கம் காங்கிரஸ் ஆட்சியைத் தக்க வைக்க வேண்டும் எனப் போராடும் நிலையில், மறுபுறம் பாஜக மீண்டும் ஆட்சியைப் பிடிக்கப் போராடுகிறது. இதனால் ராஜஸ்தான் மாநிலத்தில் தொடக்கம் முதலே அனல் பறக்கிறது. இரு கட்சிகளும் தீவிரமாகப் பிரசாரம் செய்து வருகிறது.

இதற்கிடையே ராஜஸ்தான் தேர்தலில் எந்த கட்சி ஆட்சியைப் பிடிக்கும் என்பது குறித்த லோக்போல் என்ற அமைப்பு நடத்திய கருத்துக் கணிப்பு முடிவுகள் இப்போது வெளியாகியுள்ளது. ராஜஸ்தானில் இப்போது கெலாட் தலைமையிலான காங்கிரஸ் கட்சி ஆட்சியில் இருக்கும் நிலையில், அங்கே காங்கிரஸ் மற்றும் பாஜக இடையே கடும் போட்டி இருக்கும் என இந்த சர்வே-இல் கூறப்பட்டுள்ளது.

வெல்வது யார்: அங்கு மொத்தம் 200 இடங்கள் இருக்கும் நிலையில், எந்தவொரு கட்சிக்கும் ஆட்சி அமைக்க 101 இடங்களாவது தேவை.. அதில் இரு கட்சிகளுக்கும் இடையே கடும் போட்டி இருக்கும் என்று கூறப்பட்டுள்ளது. காங்கிரஸ் கட்சி தனது ஆட்சியை இழக்கும் என்று கூறப்பட்டுள்ளது. அங்கே காங்கிரஸ் கட்சியால் 80-92 இடங்கள் வரை பெற முடியும் என்று கூறப்பட்டுள்ளது. மேலும், காங்கிரஸ் கட்சி 41- 43% வரை வாக்குகளைப் பெறும் என்று கூறப்பட்டுள்ளது.

மறுபுறம் தற்போது எதிர்க்கட்சியாக இருக்கும் பாஜக அங்கே மீண்டும் ஆட்சியைப் பிடிக்க இருக்கிறது. மொத்தம் உள்ள 200 சீட்களில் பாஜக 96-108 இடங்களில் வெற்றி பெறும் என்று லோக்போல் சர்வே-இல் கூறப்பட்டுள்ளது. ராஜஸ்தானில் பாஜக 43- 46% வரை வாக்கு வங்கியைப் பெறும் என்று கூறப்பட்டுள்ளது. இதன் மூலம் கடந்த தேர்தலில் தோல்வியடைந்த பாஜக, மீண்டும் ராஜஸ்தானில் ஆட்சிக்கு வரவுள்ளதாகக் கூறப்படுகிறது. அங்குள்ள மற்ற கட்சிகள் 13-15% வரை வாக்குகளைப் பெறும் என்றும் இதன் மூலம் 12- 18 சீட்களில் பெறும்.

கடும் போட்டி: இதன் மூலம் இந்த முறை ராஜஸ்தானில் கடும் போட்டி இருக்கும் என்றும் அதில் பாஜகவுக்குச் சற்று வெற்றி வாய்ப்பு அதிகம் உள்ளதும் உறுதியாகிறது. கடந்த 2018ஆம் ஆண்டில் நடந்த தேர்தலில் காங்கிரஸ் கட்சி மொத்தமுள்ள 200 இடங்களில் 100 இடங்களைக் கைப்பற்றியது. பாஜக அப்போது வெறும் 73 இடங்களில் மட்டுமே வென்றது.. அதேபோல சுயேச்சைகள் 13 இடங்களிலும் மாயாவதியின் பகுஜுன் சமாஜ் 6 இடங்களிலும் வென்றது குறிப்பிடத்தக்கது.

English summary

BJP is slightly having edge over Congress to Rajasthan Election 2023: Rajasthan Election BJP has Chance chance on winning says lokpoll survey.