நடுங்கும் ரஷ்யா.. 1.70 லட்சத்தை நெருங்கும் கேஸ்கள்.. கதிகலங்கும் மக்கள்.. துரத்தும் கொரோனா..!

ரஷ்யாவில் தொற்று எண்ணிக்கை அதிகரித்து கொண்டே வருகிறது

Updated: Monday, August 16, 2021, 10:13 [IST]

Subscribe to Oneindia Tamil

மாஸ்கோ: ரஷ்யாவில் கடந்த 24 மணி நேரத்தில் கொரோனா வைரஸ் தொற்றால் 21,624 பேர் பாதிப்பு அடைந்துள்ளனர்... இது அந்நாட்டு மக்களை மேலும் கவலைக்குள்ளாக்கி வருகிறது.

வைரஸ் பாதிப்பு

மேலும், வைரஸ் தாக்குதலுக்கு இதுவரை 43 லட்சத்துக்கும் மேற்பட்டோர் உயிரிழந்துள்ளனர். வைரஸ் பரவியவர்களில் ஒன்றரை கோடி பேருக்கும் மேல் சிகிச்சை பெற்று வருகின்றனர்... சிகிச்சை பெறுபவர்களில் 1 லட்சத்துக்கும் மேற்பட்டோரின் நிலைமை கவலைக்கிடமாக உள்ளது. .. கொரோனா வைரஸ் உருமாற்றம் அடைந்து பல அலைகளாக தாக்க தொடங்கியுள்ளது... இதனால், உலக நாடுகள் விழி பிதுங்கி நிற்கின்றன.

கலக்கம்

இப்போதைக்கு தடுப்பூசியால் மட்டுமே கொரோனா வைரஸ் பரவலைக் கட்டுப்படுத்த முடியும் என்று மருத்துவ நிபுணர்கள் கூறிவருவதால், தடுப்பூசி போடும் பணியும் முழு வீச்சில் நடைபெற்று வருகிறது. டெல்டா வகை கொரோனா பரவலால் ஐரோப்பிய நாடுகளில் அமெரிக்கா உள்ளிட்ட நாடுகளிலும் தொற்று பரவல் அதிகரிக்க தொடங்கியுள்ளது... உலக அளவில் கொரோனா வைரஸ் தொற்று பாதிப்பில் முதலிடத்தில் அமெரிக்காவும், இரண்டாம் இடத்தில் இந்தியாவும், 3வது இடத்தில் பிரேசிலும் உள்ளன.

ரஷ்யா

இதற்கு அடுத்தப்படியாக, கொரோனாவால் அதிகம் பாதிக்கப்பட்ட நாடுகளின் வரிசையில் ரஷ்யா 4-வது இடத்தில் உள்ளது.... ரஷ்யாவில் கடந்த சில வாரங்களாகவே கொரோனா வைரஸ் தொற்றின் தாக்கம் வேகமெடுத்து வருகிறது... கடந்த 24 மணி நேரத்தில் மட்டும் புதிதாக 21,624 கொரோனா கேஸ்கள் பதிவாகி உள்ளன.. இதன்மூலம் ரஷ்யாவில் வைரஸ் தொற்றால் பாதிக்கப்பட்டோர் எண்ணிக்கை 66 லட்சத்தை கடந்துள்ளது.

பலி

கொரோனா வைரஸ் தொற்றுக்கு மேலும் 816 பேர் உயிரிழந்ததால், அங்கு பலியானோர் எண்ணிக்கை மொத்தம் 1.70 லட்சத்தை தாண்டி உள்ளது அம்மக்களுக்கு பெருத்த கவலையை ஏற்படுத்தி வருகிறது... அங்கு தொற்றில் இருந்து 58.84 லட்சத்துக்கும் அதிகமானோர் சிகிச்சை பெற்று டிஸ்சார்ஜ் ஆகி வீடு திரும்பியுள்ளனர்... மேலும், இப்போதைக்கு 5.46 லட்சத்துக்கும் மேற்பட்டோர் ஆஸ்பத்திரிகளில் சிகிச்சையும் பெற்று வருகின்றனர்.. இதையடுத்து, தடுப்பூசி விஷயத்தில் தன் மொத்த கவனத்தையும் தீவிரமாக திருப்பி கொண்டிருக்கிறது ரஷ்யா.