யாருக்காவது புரிஞ்சதா?.. உலக பொருளாதார மாநாட்டில் சமஸ்கிருதத்தில் பேசிய மோடி!

டாவோஸ்: இந்தியாவில் நடக்கும் முக்கிய கூட்டங்கள் எல்லாவற்றிலும் பிரதமர் மோடி ஹிந்தியில் பேசுவது வழக்கம். மொழி தெரியாத மக்கள் இருந்தாலும் அவர் ஹிந்தியில் மட்டுமே பேசுவார்.

ஆனால் வெளிநாட்டில் அவர் பெரும்பாலும் ஆங்கிலத்தில் பேசுவார். இந்த வழக்கம் தற்போது உடைக்கப்பட்டு இருக்கிறது.

தற்போது வெளிநாட்டிலும் அவர் ஹிந்தியில் பேசி இருக்கிறார். அதோடு நிற்காமல் சமஸ்கிருதத்திலும் பேசி இருக்கிறார்.

மாநாடு

சுவிட்சர்லாந்தில் இருக்கும் டாவோஸில் இந்த உலக பொருளாதார மாநாடு நடந்தது. இந்தியாவில் செய்யப்படும் வெளிநாட்டு நிறுவனங்களின் முதலீட்டுக்காவும், தொழில் வளர்ச்சிக்காவும் இந்த மாநாடு நடந்தது. இதில் பேசிய மோடி இந்தியாவின் வளர்ச்சி குறித்தும், எதிர்காலம் குறித்தும் குறிப்பிட்டார்.

ஹிந்தியில் பேசினார்

இதுவரை அங்கு பேசிய இந்திய பிரதமர்கள் அனைவரும் ஆங்கிலத்தில் மட்டுமே பேசினார்கள். ஆனால் முதல்முறையாக மோடி அங்கு ஹிந்தியில் பேசினார். இதற்கான மொழிப்பெயர்ப்பு அங்கு இருந்த அனைவருக்கும் கொடுக்கப்பட்டது.

சமஸ்கிருத பொன்மொழி

ஆனால் அவர் ஹிந்தியில் மட்டும் பேசாமல் சமஸ்கிருதத்திலும் பேசி இருக்கிறார். பல இடங்களில் சமஸ்கிருத பொன் மொழிகளை அவர் கூறினார். அவர் அப்படி திடீர் என்று கூறிய பல வார்த்தைகள் மொழிப்பெயர்ப்பு புத்தகத்தில் இடம்பெறாமல் இருந்தது. இதனால் அங்கு இருந்தவர்கள் குழம்பி இருக்கிறார்கள்.

Some ppl were complaining about 'Hindi speech' by Modi in Davos.. and now Modi has also started using Sanskrit.. haha. ye achha hai.. #IndiaMeansBusiness #IndiaMeansBusiness

— Ankit shukla (@ankit30shukla) January 23, 2018

மக்கள் கருத்து

இதற்கு மக்கள் டிவிட்டரில் கருத்து தெரிவித்து இருக்கிறார்கள். இவர் ''மோடி இதுவரை ஹிந்தியில் பேசினார் என்று குற்றச்சாட்டு வைத்தீர்கள். தற்போது அவர் சமஸ்கிருதத்தில் பேசி உள்ளார். ஹாஹாஹா. அச்சே தீன்'' என்று கிண்டலாக கூறியுள்ளார்.

English summary

Modi speaks Sanskrit and Hindi in Davos. He is the first PM from India to speak in Hindi and Sanskrit in Davos.