வாழ்வா சாவா போராட்டம்! ரஷ்யாவின் 'செக்'... சீனாவின் 'கேம்'! - ஈரானுக்காக களமிறங்கும் வல்லரசுகள்?
மாஸ்கோ: அயதுல்லா கமேனி கொல்லப்பட்ட செய்தி வெளியான சில நிமிடங்களிலேயே, உலக அரசியல் சதுரங்க ஆட்டத்தில் காய்கள் வேகமாக நகரத் தொடங்கிவிட்டன. அமெரிக்கா மற்றும் இஸ்ரேலின் இந்த அதிரடித் தாக்குதலுக்கு 'பதிலடி' கொடுக்க ரஷ்யாவும் சீனாவும் தங்களது ரகசியத் திட்டங்களைத் தீட்டி வருகின்றன. இது வெறும் ஈரான் பிரச்சனை மட்டுமல்ல, ஆசியாவில் தங்களது ஆதிக்கத்தைத் தக்கவைப்பதற்கான வாழ்வா சாவா போராட்டம்!
ரஷ்யாவின் 'கவுண்டர் அட்டாக்' பிளான்!
புதின் சும்மா இருப்பாரா? தாக்குதல் நடந்த அடுத்த சில மணி நேரங்களிலேயே ரஷ்ய வெளியுறவு அமைச்சகம் இந்தத் தாக்குதலை "ஒரு இறையாண்மை கொண்ட நாட்டின் மீதான அப்பட்டமான ஆக்கிரமிப்பு" எனக் கடுமையாகக் கண்டித்துள்ளது.
ஐநா சபையில் 'பிளாக்': ஐநா பாதுகாப்பு சபையில் (UN Security Council) அமெரிக்காவுக்கு எதிராக ரஷ்யா ஏற்கனவே தனது வீட்டோ அதிகாரத்தைப் பயன்படுத்தத் தொடங்கிவிட்டது.
ராணுவ உதவி: உக்ரைன் போரில் ஈரானின் ட்ரோன்கள் ரஷ்யாவுக்குப் பெரிய அளவில் உதவின. அதற்குப் பிரதிபலனாக, இப்போது ஈரானின் பாதுகாப்புக்குத் தேவையான அதிநவீன S-400 ஏவுகணைத் தடுப்பு அமைப்புகளை ரஷ்யா ரகசியமாக அனுப்பக்கூடும் என உளவுத் துறைகள் அஞ்சுகின்றன.
IAEA நெருக்கடி: ஈரானின் அணுசக்தி மையங்கள் தாக்கப்பட்டதை எதிர்த்து, சர்வதேச அணுசக்தி முகமையின் (IAEA) அவசரக் கூட்டத்தைக் கூட்ட ரஷ்யா கோரிக்கை விடுத்துள்ளது.
சீனாவின் 'பொருளாதாரப் போர்'!
சீனா எப்போதும் 'அமைதியாக' இருந்து காய்களை நகர்த்தும். ஆனால், இம்முறை பெய்ஜிங் ஒரு காட்டமான அறிக்கையை வெளியிட்டுள்ளது.
தடை இல்லா வர்த்தகம்: ஈரான் மீதான அமெரிக்கத் தடைகளை மீறி, சீனாவே ஈரானின் கச்சா எண்ணெயை வாங்கும் மிகப்பெரிய வாடிக்கையாளர். போர் காரணமாக இந்த வர்த்தகம் பாதிக்கப்படுவதைச் சீனா விரும்பாது.
மறைமுக ஆதரவு: ஈரான் தனது 'டர்ட்டி பாம்' அல்லது பிற நவீன ஆயுதங்களைத் தயாரிக்கத் தேவையான மின்னணு பாகங்களைச் சீனா ரகசியமாக விநியோகிக்க வாய்ப்புள்ளதாகக் கூறப்படுகிறது. அமெரிக்காவின் டாலர் ஆதிக்கத்தை வீழ்த்த, 'யுவான்' (Yuan) மூலம் ஈரானுடன் வர்த்தகம் செய்யச் சீனா துணிந்துவிட்டது.
பகீர்: கச்சா எண்ணெய் 'சதம்' அடிக்குமா?
சர்வதேச பொருளாதாரத் தகவல்கள் இந்தியர்களை உறைய வைக்கின்றன.
விலை நிலவரம்: தாக்குதலுக்கு முன் $67-$68-ல் இருந்த ஒரு பேரல் கச்சா எண்ணெய் (Brent Crude), இன்று காலை $75 முதல் $80 வரை எகிறியுள்ளது.
ஹார்முஸ் மிரட்டல்: ஈரானிய ஊடகங்கள் 'ஹார்முஸ் ஜலசந்தி நடைமுறையில் மூடப்பட்டுவிட்டது' (Practically Closed) எனச் செய்திகளைப் பரப்புகின்றன. இதனால் பல எண்ணெய் கப்பல்கள் கடலிலேயே நடுவழியில் காத்திருக்கின்றன.
நிபுணர்கள் எச்சரிக்கை: "ஹார்முஸ் ஜலசந்தி முழுமையாக முடக்கப்பட்டால், எண்ணெய் விலை $100-ஐத் தாண்டி $110 வரை செல்லும்" என பொருளாதார வல்லுநர்கள் எச்சரிக்கிறார்கள்.
இந்தியாவுக்கு என்ன பாதிப்பு?
இந்தியா தனது எண்ணெய் தேவையில் 85%-ஐ இறக்குமதி செய்கிறது. கச்சா எண்ணெய் விலை 10 டாலர் உயர்ந்தால் கூட, இந்தியாவின் இறக்குமதி செலவு சுமார் $13-14 பில்லியன் அதிகரிக்கும். இது பெட்ரோல் விலையை லிட்டருக்கு 5 முதல் 10 ரூபாய் வரை உயர்த்தக்கூடும்.
சவூதி அரேபியா மற்றும் ஐக்கிய அரபு அமீரகம் போன்ற ஓபெக் (OPEC+) நாடுகள் உற்பத்தியை அதிகரித்து விலையைக் குறைக்கத் திட்டமிட்டாலும், போரின் தீவிரம் குறையாத வரை சந்தை அமைதி பெறாது. ஒருபுறம் போரின் அழிவு, மறுபுறம் பொருளாதார நெருக்கடி என உலகம் ஒரு மிகப் பெரிய சுழலில் சிக்கியுள்ளது.
Click it and Unblock the Notifications
Sign in with Google