அமெரிக்கா அமெரிக்காதான்.. அது ஆமையா இருந்தாலும் சரி.. ஆசாமியா இருந்தாலும் சரி!

கால் ஒடிந்த ஆமைக்கு வீல் சேர் பொருத்தப்பட்டுள்ளது.

Published: Sunday, September 30, 2018, 13:58 [IST]

Subscribe to Oneindia Tamil

மேரிலாண்ட்: நமக்கெல்லாம் இங்கே ரோட்டில் அடிபட்டு ரத்தம் பிச்சிக்கிட்டு ஒழுகிட்டு கிடந்தாலும் பெரும்பாலும் அதை யாருமே மதிக்கிறதும் கண்டுக்கறதும் கிடையாது. ஆனால் அமெரிக்காவில் அடிபட்ட ஒரு நட்சத்திர ஆமைக்கு வந்த வாழ்வு இருக்கிறதே.. அடேயப்பா!!

அமெரிக்காவில் மேரிலேண்ட் நகரில் உயிரியல் பூங்கா இருக்கிறது. இங்கு கடந்த ஜூலை மாதத்தில் ஒரு ஆமை எங்கேயோ போய் முட்டிக் கொண்டு விட்டது. இதனால் அந்த ஆமைக்கு உடலெங்கும் ஒரே காயங்கள்.

ஆமைக்கு ஆபரேஷன்

இதை கண்டுபிடித்த அந்த ஊழியர்கள் அந்த ஆமைக்கு பூங்காவிலேயே இருந்த மருத்துவமனையில் சிகிச்சை அளித்தார்கள். ஆமைக்கு எல்லான் ஃபிரான்சன் என்பவர்தான் சிகிச்சை செய்தார். ஆனாலும் ஆமைக்கு காயங்கள் குணமாகவே இல்லை. அதனால் ஆமைக்கு ஆபரேஷன் செய்யலாம் என டாக்டர் முடிவு செய்தார். அதற்காக ஆமைக்கு இரும்பு தகடு பொருத்தி அந்த ஆபரேஷனை செய்தார்கள்.

[என்னது.. இளவரசி கார் கதவை திறந்து அவரே மூடினாரா.. இங்கிலாந்தில் ஒரே பரபரப்பு]

வீல் சேர் ஐடியா

அதன் பின்னரும் ஆமைக்கு பின்னங்கால்கள் ரொம்ப மோசமாகி விட்டது. கால்களை எடுத்து வைத்து நடக்கவே முடியவில்லை. அதனால் மிகவும் சிரமப்பட்டது. மீண்டும் என்ன செய்யலாம் என டாக்டர் சிந்தனையில் மூழ்கினார். ஆமைக்கு செயற்கை கால்கள் பொருத்த முடியாது என்பதால் வேறு ஐடியா யோசித்தார். அப்போது பிறந்ததுதான் வீல் சேர் ஐடியா!! பேசாமல் இந்த ஆமைக்கு வீல் சேர் வடிமைத்து தந்துவிடலாம் என்ற முடிவுக்கு வந்தார்.

டிசைன் செய்த மாணவன்

அதற்காக கால்நடை மருத்துவம் படித்து வரும் ஒரு மாணவனிடம் உதவி கேட்டார் டாக்டர். அந்த மாணவன் இப்போதுதான் 4-ம் ஆண்டு படித்து வருகிறார். உடனே மாணவனும் அந்த வீல் சேருக்கு ஒரு டிசைன் செய்து டாக்டரிடம் காட்டியுள்ளார். இந்த படத்தை வாங்கி கொண்ட டாக்டர், சமூக ஆர்வலர் ஒருவரது உதவியுடன் வீல் சேல் செய்ய துவங்கினார். ஒருவழியாக ஆமைக்கு வீல் சேர் ரெடியாகிவிட்டது!!

ஹாயாக சுற்றி வருகிறது

அந்த வீல் சேரை வைத்து டாக்டர் ஆமைக்கு மீண்டும் ஒரு ஆபரேஷனை செய்து அந்த வீல் சேரை பொருத்தினார். இப்போது ஆமை வீல் சேர் உதவியுடன் ஹாயாக அந்த பூங்காவை சுற்றி வருகிறது. புதிய வசதியை அது ஈஸியாக எடுத்துக் கொண்டு அடாப்ட் ஆகி விட்டதாம். எந்த சிரமமும் இல்லையாம். அதன் ஆரோக்கியம் சரியாகி விட்டால் மீண்டும் இயல்பு நிலைக்கு அது திரும்பி விடுமாம்.

அமெரிக்கா அமெரிக்காதான்!

Published On September 30, 2018