பேய் இருக்கா? இல்லையா? 36 ஆண்டுகளாக பெண் வேடமிட்டு வாழும் ஆண்.. காரணத்தை கேட்டா அதிர்ந்து போவீங்க!

Updated: Friday, February 14, 2025, 19:53 [IST]

Subscribe to Oneindia Tamil

லக்னோ: உத்தர பிரதேசத்தில 3 திருமணம் செய்த ஆண் ஒருவர் 36 ஆண்டுகளாக பெண் வேடமிட்டு வாழ்ந்து வருகிறார். இதன் பின்னணியில் பேய் பற்றிய பயம் தான் காரணம் என்ற திடுக்கிடும் தகவல் வெளியாகி உள்ளது.

பேய் இருக்கா? இல்லையா? என்ற கேள்வி நம் அனைவருக்குள்ளும் இருக்கிறது. ஒரு மனிதர் இறந்துவிட்டால் அவரது வாழ்க்கை முடிந்துவிட்டது. அவர் இனி எப்போதும் வரமாட்டார் என்று ஒரு தரப்பினர் கூறி வருகின்றனர்.

அதேவேளையில் இன்னொரு தரப்போ, ஒருவர் இறந்துவிட்டால் அவர் நேசித்த மனிதர்களை காண இறந்த நபரின் ஆன்மா வந்து செல்லும் என்கின்றனர். அதோடு பேய் என்பது இருப்பதாக சிலர் கதைகளை கூறி வருகின்றனர்.

இதனால் தான் இப்போது வரை பேய் இருக்கா? இல்லையா? என்பதற்கு விடை தெரியாமல் உள்ளது. இதற்கிடையே தான் பேய் பயத்தில் ஒருவர் கடந்த 36 ஆண்டுகளாக ஆண் ஒருவர் பெண்ணாக மாறி வாழ்ந்து வரும் செய்தி வெளியாகி உள்ளது. அந்த நபர் யார்? அவரது பின்னணி என்ன? என்பது பற்றி இங்கே பார்க்கலாம்.

உத்தர பிரதேச மாநிலம் ஜான்பூரை சேர்ந்தவர் சிந்தா. இவர் தான் கடந்த 36 ஆண்டுகளாக பெண் வேடமிட்டு வாழ்ந்து வருகிறார். இவர் 3 திருமணங்கள் செய்தார். மொத்தம் 9 மகன்கள் பிறந்தனர். இதில் 7 பேர் இறந்துவிட்டனர். 2வது மனைவியும் இறந்துவிட்டார். 2வது மனைவி இறந்த பிறகு சிந்தா பெண் போல் ஆடைகள் அணிய தொடங்கினார்.

அதாவது சிந்தா கையில் வளையல், திருமணம் ஆன பெண் போல் நெற்றியில் குங்குமம், கழுத்தில் பெண்கள் அணியும் ஆபரணங்கள், சேலை அணிந்து நடமாடி வருகிறார். இவர் கடந்த 36 ஆண்டுகளாக பெண் வேடமிட்டு வாழ்ந்து வருகிறார். இதுபற்றி சிந்தாவிடம் கேட்டபோது, ‛‛எனது 2வது மனைவி மறைந்துவிட்டார். அவரது மறைவுக்கு பிறகு தான் நான் இப்படி மாறினேன். அவரது ஆன்மா என் கனவில் வந்து தொல்லை தந்தது.

அந்த ஆன்மா என்னை பெண் போல் வாழ வேண்டும் என்று கூறியது. இதனால் தான் பெண் வேடமிட்டு வாழ்ந்து வருகிறேன். எனக்கு மொத்தம் 9 மகன்கள். இதில் 7 பேர் இறந்துவிட்டனர்'' என்றார். அதாவது இறந்த 2வது மனைவி கனவில் வந்து பெண் போல் வாழ வேண்டும் என்று கூறிய நிலையில் அதை செய்யாவிட்டால் இறந்து விடுவோமோ? என்ற எண்ணம் சிந்தாவுக்கு வந்துள்ளது. இதையடுத்து தான் அவர் கடந்த 36 ஆண்டுகளாக பெண் வேடமிட்டு வாழ்ந்து வருகிறார் என்பது இங்கே குறிப்பிடத்தக்கது.