கொலை வழக்கு.. ரவுடி வரிச்சியூர் செல்வத்திற்கு ஜாமின்.. உயர் நீதிமன்ற மதுரைக் கிளை உத்தரவு

மதுரை: கூட்டாளியை கொலை செய்த வழக்கில் கைது செய்யப்பட்டு சிறையில் உள்ள ரவுடி வரிச்சியூர் செல்வத்திற்கு ஜாமின் வழங்கி உயர் நீதிமன்ற மதுரைக் கிளை உத்தரவு பிறப்பித்துள்ளது.

விருதுநகர் மாவட்டத்தைச் சேர்ந்தவர் செந்தில் குமார் இவர் பிரபல ரவுடி வரிச்சியூர் செல்வத்தின் கூட்டாளியாக இருந்தார். குன்னத்தூர் ஊராட்சி தலைவர் கிருஷ்ணராஜ், முனியசாமி ஆகியோர் கொல்லப்பட்ட வழக்கில் செந்தில்குமாரும் குற்றவாளியாக சேர்க்கப்பட்டார். இதனையடுத்து செந்தில் குமார் சென்னையில் தலைமறைவானார்.

இதனிடையே செந்தில்குமார் திடீரென மாயமாகி விட்டதாகவும் அவரை கண்டுபிடிக்க கோரியும் அவரது மனைவி போலீசில் புகார் அளித்தார். காவல்துறையினர் நடத்திய விசாரணையில் வரிச்சியூர் செல்வத்தின் கூட்டாளிகள் செந்தில் குமாரை கொலை செய்தது தெரியவந்தது.

செந்தில் குமாரை சுட்டுக்கொன்று அவரது உடலை தாமிரபரணி ஆற்றில் வீசியதாக வரிச்சியூர் செல்வத்தின் கூட்டாளிகள் தெரிவித்தனர். வாக்குமூலத்தின் அடிப்படையில் போலீசார் வழக்குபதிவு செய்து வரிச்சியூர் செல்வம், உள்ளிட பலர் கைது செய்தனர். சிறையில் அடைக்கப்பட்டு உள்ள வரிச்சியூர் செல்வம், தனக்கு ஜாமீன் கேட்டு உயர்நீதிமன்ற மதுரைக்கிளையில் ஏற்கனவே மனு தாக்கல் செய்திருந்தார்

அரசு தரப்பில் எதிர்ப்பு தெரிவித்ததால் கடந்த அக்டோபர் மாதம் மனு தள்ளுபடி செய்யப்பட்டது இதனைத் தொடர்ந்து உயர்நீதிமன்ற மதுரைக்கிளையில் மீண்டும் ஜாமின் மனு தாக்கல் செய்திருந்தார். அந்த மனு கடந்த 15ஆம் தேதி நீதிபதி சிவஞானம் முன்பு விசாரணைக்கு வந்தது. அரசு தரப்பில் ஆஜரான வழக்கறிஞர் உயர் நீதிமன்ற உத்தரவின்படி இந்த வழக்கில் புதிதாக ஒட்டப்பிடாரம் காவல் துறையினர் எதிர்மனுதாரராக சேர்க்கப்பட்டுள்ளதாக தகவல் தெரிவித்தார்.

இதனைத் தொடர்ந்து ஒட்டப்பிடாரம் காவல் துறையினர் மனு குறித்து பதில் மனு தாக்கல் செய்ய உத்தரவிட்டு வழக்கு விசாரணையை தள்ளி வைத்தார். இந்நிலையில் கொலை வழக்கில் கைது செய்யப்பட்டு சிறையில் உள்ள ரவுடி வரிச்சியூர் செல்வத்திற்கு ஜாமின் வழங்கி உயர் நீதிமன்ற மதுரைக் கிளை உத்தரவு பிறப்பித்துள்ளது.

English summary

The Madurai Bench of the Chennai High Court has granted bail to rowdy Varichiyur Selvam, who was arrested in the case of murdering his accomplice Senthil Kumar.