அடேங்கப்பா.. இன்னா ஸ்பீடு... இப்பவே தேர்லுக்கான சுவர் விளம்பரத்தில் படுதீவிரமான மதுரை பாஜக

Updated: Monday, September 7, 2020, 17:21 [IST]

Subscribe to Oneindia Tamil

மதுரை: தமிழக சட்டசபைக்கான தேர்தல் களத்தில் தற்போதைய நிலையில் பாரதிய ஜனதா கட்சிதான் படுவேகமாக இருக்கிறது போல.. மதுரையில் சட்டசபை தேர்தலுக்கான சுவர் எழுத்துகளில் பாஜக படுதீவிரமாக இறங்கியுள்ளது.

தமிழக சட்டசபை தேர்தல் அடுத்த ஆண்டு நடைபெற உள்ளது. இதற்கான அடிப்படை வேலைகளில் அனைத்து கட்சிகளும் மும்முரமாக இருக்கின்றன.

கூட்டணி பேச்சுவார்த்தைகள்

கட்சி கட்டமைப்புகளில் அதிமுக, திமுக மாற்றங்களை செய்து வருகின்றன. இந்த இரு கட்சிகளின் தலைமையில் அணிவகுக்கும் கட்சிகள், கூட்டணிக்கான அதிகாரப்பூர்வமற்ற பேச்சுவார்த்தைகளை அரசல் புரசலாக தொடங்கியும் இருக்கின்றன.

கட்சிகளிடையே மல்லு கட்டு

அதிமுக கூட்டணியில் நீடிக்கிறோம் என பாஜக சொல்கிறது; ஆனால் அதிமுக அரசை மிக கடுமையாக பாஜக விமர்சிக்கிறது; பாஜகவுக்கு அதிமுகவும் சரியான பதிலடி கொடுத்து வருகிறது. இன்னொரு பக்கம் தேமுதிகவை திமுக இழுக்கப் போவதாக செய்திகள் வலம் வருகிறது. ஆனால் தேமுதிக இளைஞரணித் தலைவர் சுதீஷ் ஒரு கார்ட்டூன் போட்டு இந்த யூகங்களுக்கு வேட்டு வைத்தார்.

பாஜகவின் தேர்தல் பணி

இந்த நிலையில் தமிழக பாரதிய ஜனதா கட்சி கூட்டணியைப் பற்றி எல்லாம் எந்த கவலையும்படாமல் அடுத்தடுத்த தேர்தல் பணிகளில் தீவிரமாக உள்ளது. தமிழக பாஜக இன்று தமது அதிகாரப்பூர்வ யூடியூப் பக்கத்தில் ஒரு வீடியோவை பதிவு செய்துள்ளது.

சுவர் எழுத்து பிரசாரம்

மதுரையில் 2021 சட்டசபை தேர்தலுக்கான சுவர் எழுத்துகள் எழுதும் பணி நடைபெறுது அந்த வீடியோவில் உள்ளது. அந்த சுவரெழுத்தில் வேட்பாளர் பெயர் மட்டும்தான் பாக்கி.. வேட்பாளரை அறிவித்த உடனே பிரசாரத்தை தொடங்கிவிடும் வகையில் படுவேகமாக முன்தயாரிப்புகளில் பாஜக இப்போதே இறங்கிவிட்டது.