மீண்டும் அஜித் ரசிகர்கள் ஏமாற்றம்- மே 1-ல் வலிமை பர்ஸ்ட் லுக் ரிலீஸ் இல்லை என அறிவித்த போனிகபூர்!
மும்பை: நாடு முழுவதும் கொரோனா 2-வது அலை உக்கிரமாக தாக்கி வருவதால் மே 1-ந் தேதியன்று அஜித் நடித்த வலிமை திரைப்படத்தின் பர்ஸ்ட் லுக் வெளியிடுவது ஒத்திவைக்கப்பட்டுள்ளதாக தயாரிப்பாளர் போனி கபூர் அறிவித்துளாள்ர்.\
அஜித்தின் 50-வது திரைப்படம் வலிமை. இந்த திரைப்படத்தை மறைந்த நடிகை ஸ்ரீதேவியின் கணவர் போனிகபூர் தயாரிக்கிறார். கடந்த ஒன்றரை ஆண்டுகளாக இந்த திரைப்படம் உருவாகி வருகிறது.
ஆனால் வலிமை திரைப்படத்தின் அப்டேட் குறித்து ஒரு தகவலும் இல்லை. பிரதமர் மோடி முதல் அரசியல் நிகழ்ச்சிகளிலும் கூட வலிமை அப்டேட் என்னாச்சு என்கிற விவகாரம் விஸ்வரூபம் எடுத்தது.
"ஆத்தாடி அப்பத்தா.. என்னா இடி.. என்னா அடி"... உருகும் ரசிகர்கள்.. நெகிழும் வரலட்சுமி!
இதனையடுத்து அஜித்தின் பிறந்த நாளான மே 1-ந் தேதி வலிமை திரைப்படத்தின் பர்ஸ்ட் லுக் வெளியிடப்படும் என அறிவிக்கப்பட்டிருந்தது. இதனால் அஜித் ரசிகர்கள் உற்சாகமடைந்தனர்.
ஆனால் இன்று போனிகபூர் வெளியிட்ட அறிக்கையில், கொரோனா 2-வது அலை தாக்கம் உக்கிரமாக இருக்கிறது. பல லட்சக்கணக்கான மக்கள் பாதிக்கப்பட்டுள்ளனர். அதனால் வலிமை பட பர்ஸ்ட் லுக் மே 1-ல் வெளியிடுவது ஒத்திவைக்கப்படுகிறது என தெரிவித்துள்ளார். இதனால் அஜித் ரசிகர்கள் மீண்டும் கடும் ஏமாற்றம் அடைந்துள்ளனர்.
Click it and Unblock the Notifications
Sign in with Google