• search
மும்பை அப்டேட்டுகளுக்கு
நோட்டிபிகேஷனை அனுமதி  
Just In
Oneindia App Download

“இது ரொம்ப தப்புங்க” குற்றவாளிகளை இப்படியா வரவேற்பது? இந்துத்துவாவினரை கண்டித்த பாஜகவின் பட்னவிஸ்

Google Oneindia Tamil News

மும்பை: குஜராத் கலவரத்தின்போது பில்கிஸ் பானுவை கூட்டு பலாத்காரம் செய்து குடும்பத்தினர் 7 பேரை கொன்ற 11 குற்றவாளிகளை குஜராத் அரசு விடுதலை செய்த நிலையில், அவர்களுக்கு வரவேற்பு அளித்தது தவறு என்று மகாராஷ்டிரா துணை முதலமைச்சரும், பாஜக தலைவருமான தேவேந்திர பட்னவிஸ் தெரிவித்துள்ளார்.

குஜராத் முதலமைச்சராக நரேந்திர மோடி பொறுப்பேற்ற ஐந்தே மாதங்களில், அதாவது 2002 ஆம் பிப்ரவரி 27 ஆம் தேதி உத்தரப்பிரதேச மாநிலம் அயோத்தியில் இருந்து குஜராத்துக்கு வந்த சபர்மதி ரயில் கோத்ரா பகுதியில் தீப்பிடித்து எரிந்தது.

கல்வராயன்மலை பள்ளியில் காலி பாத்திரங்கள்..உணவின்றி பரிதவிக்கும் மாணவர்கள்.. விஜயகாந்த் கண்டனம் கல்வராயன்மலை பள்ளியில் காலி பாத்திரங்கள்..உணவின்றி பரிதவிக்கும் மாணவர்கள்.. விஜயகாந்த் கண்டனம்

இந்த சம்பவத்தில் 59 இந்து யாத்திரிகர்கள் கொல்லப்பட்டனர். 2005 ஆம் ஆண்டு இது தொடர்பாக மத்திய அரசு அமைத்த விசாரணை ஆணையம், ரயில் பெட்டியில் சமையல் செய்தபோது ஏற்பட்ட தீ விபத்து காரணமாகவே பலர் உயிரிழந்ததாகவும், தாக்குதல் நடத்தப்படவில்லை என்றும் தெரிவித்தது.

கலவரம்

கலவரம்

இதற்கு இஸ்லாமியர்களே காரணம் எனக்கூறி இந்துத்துவ அமைப்பினர் குஜராத் முழுவதும் ரயில் எரிந்த அதே நாளில் தாக்குதல்களை தொடங்கினர். காவல்துறையின் கட்டுப்பாடுகள் இன்றி கோரத் தாக்குதல்கள் தொடர்ந்தன. 2 வாரங்கள் கட்டுக்கடங்காமல் நடந்த வன்முறையில் 20,000 இஸ்லாமியர்களின் வீடுகள் மற்றும் கடைகள், 360 மசூதிகள் அழிக்கப்பட்டன. 1.5 லட்சம் மக்கள் வேறு இடங்களுக்கு குடிபெயர்ந்தனர்.

பில்கிஸ் பானு

பில்கிஸ் பானு

28 ஆம் தேதி தொடங்கிய கலவரம் மார்ச் மாதம் வரை நீண்டது. மார்ச் 3 ஆம் தேதி தஹோத் மாவட்டத்தில் உள்ள ரந்திக்புர் கிராமத்தில் கலவரம் வெடித்தது. அப்போது 30 பேர் கொண்ட கும்பல் பயங்கர ஆயுதங்களுடன் பில்கிஸ் பானு மற்றும் அவரது சிறுவயது மகள் மற்றும் பிற 15 குடும்ப உறுப்பினர்களைத் தாக்கியது. இதில் அவரது குடும்பத்தைச் சேர்ந்த ஏழு பேர் கொல்லப்பட்டனர்.

கூட்டு பலாத்காரம்

கூட்டு பலாத்காரம்

அப்போது ஐந்து மாத கர்ப்பிணியாக இருந்த பில்கிஸ் பானு, அவரது தாய் மற்றும் சகோதரி ஆகியோர் இந்துத்துவ கும்பலால் கூட்டு பலாத்காரம் செய்யப்பட்டனர். நாட்டையே அதிர வைத்த இந்த வழக்கு சிபிஐ விசாரணைக்கு மாற்றப்பட்டது. இதன் முதல் கட்ட விசாரணை குஜராத்தின் அகமதாபாத்தில் தொடங்கப்பட்டது.

11 பேருக்கு ஆயுள் தண்டனை

11 பேருக்கு ஆயுள் தண்டனை

ஆனால், சாட்சிகளை அழித்ததாகவும் மற்றும் சாட்சியங்களை சேதப்படுத்தியதாகவும் கூறி மும்பைக்கு வழக்கு மாற்றப்பட்டது. குற்றம்சாட்டப்பட்ட 11 பேருக்கும் 2008 ஆம் ஆண்டு சிபிஐ நீதிமன்றம் ஆயுள் தண்டனை விதித்தது. கடந்த 2018 ஆம் ஆண்டு மும்பை உயர்நீதிமன்றம் இவர்களின் தண்டனையை உறுதி செய்தது.

விடுதலை

விடுதலை

இந்த நிலையில் கைது செய்யப்பட்ட 11 பேரும் குஜராத் அரசு பொதுமன்னிப்புக் கொள்கையை அடிப்படையாகக் கொண்டு 14 ஆண்டுகள் சிறை தண்டனை அனுபவித்ததாலும், குற்ற தன்மையை கருத்தில் கொண்டும் விடுவிக்க ஆணை பிறப்பித்தது. இதனை தொடர்ந்து தண்டனை பெற்ற 11 பேரும் கோத்ரா துணைச் சிறையில் இருந்து விடுதலை செய்யப்பட்டுள்ளனர். அவர்களுக்கு ஆரத்தி எடுத்தும் இனிப்புகள் வழங்கியும் வரவேற்பு வழங்கப்பட்டது.

தேவேந்திரா பட்னவிஸ்

தேவேந்திரா பட்னவிஸ்

இந்த நிலையில் மகாராஷ்டிராவில் 35 வயது பெண் பலாத்காரம் செய்யப்பட்டது தொடர்பாக அம்மாநில சட்டப்பேரவையில் நடைபெற்ற விவாதத்தின்போது எதிர் தரப்பு எம்.எல்.ஏக்கள் பில்கிஸ் பானு விவகாரத்தை எழுப்பினர். இதற்கு பதிலளித்த பட்னவிஸ், "உச்சநீதிமன்ற உத்தரவின்படி 11 பேர் விடுவிக்கப்பட்டார்கள். ஆனால், குற்றவாளிகளை சிறைக்கு வெளியே வரவேற்பது தவறு. குற்றவாளிகள் எப்போதும் குற்றவாளிகள்தான். இந்த செயலை எந்த வகையிலும் நியாயப்படுத்த இயலாது." என்றார்.

English summary
Maha deputy CM Fadnavis condemn for receiving Bilkis rape criminals: குஜராத் கலவரத்தின்போது பில்கிஸ் பானுவை கூட்டு பலாத்காரம் செய்து குடும்பத்தினர் 7 பேரை கொன்ற 11 குற்றவாளிகளை குஜராத் அரசு விடுதலை செய்த நிலையில், அவர்களுக்கு வரவேற்பு அளித்தது தவறு என்று மகாராஷ்டிரா துணை முதலமைச்சரும், பாஜக தலைவருமான தேவேந்திர பட்னவிஸ் தெரிவித்துள்ளார்.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X