அமெரிக்கா கச்சா எண்ணெய் விலை வரலாறு காணாத வீழ்ச்சி- 0 டாலருக்கும் கீழே போனது

நியூயார்க்: அமெரிக்கா கச்சா எண்ணெய் விலையானது வரலாறு காணாத வீழ்ச்சியாக 0 டாலருக்கும் கீழே குறைந்துள்ளது.

கொரோனாவின் கொடூர தாக்கத்தால் உலக நாடுகள் நிலைகுலைந்துள்ளன. மத்திய கிழக்கு நாடுகளும் கொரோனாவால் மிக மோசமாக பாதிக்கப்பட்டுள்ளன.

இதனால் கச்சா எண்ணெய் உற்பத்தி மிக மோசமாக பாதிக்கப்பட்டிருக்கிறது. இதையடுத்து சர்வதே சந்தையில் கச்சா எண்ணெய் விலை படுமோசமான சரிவை எதிர்கொண்டு வந்தது.

வெஸ்ட் டெக்ஸாஸ் இண்டர்மீடியட் (WTI) கச்சா எண்ணெய் மற்றும் பிரெண்ட் கச்சா எண்ணெய் விலை படுமோசமான சரிவை சந்தித்து வந்தன. இந்த நிலையில் WTI கச்சா எண்ணெய் விலை இன்று 0 டாலருக்கும் கீழே குறைந்து-$40.32 ஆக இருந்தது. இது 321% சரிவு ஆகும்.

WTI கச்சா எண்ணெய் விலை 100% சரிவை சந்தித்துள்ளது. இதற்கு முன்னர் வரலாற்றில் இப்படி ஒரு மோசமான விலையை WTI கச்சா எண்ணெய் சந்தித்தது இல்லை.

பிரெண்ட் கச்சா எண்ணெய் விலையும் மிகப் பெரும் சரிவை எதிர்கொண்டு வருகிறது.

English summary

WTI Oil Price collapsed to below zero for the first time.