2023-ம் ஆண்டுக்கான ஹெச்.1 பி விசாவுக்கான முன்பதிவு மார்ச் 1-ல் தொடக்கம்

நியூயார்க்: 2023-ம் ஆண்டுக்கான ஹெச்.1 பி (எச்1 பி) விசாவுக்கான முன்பதிவு மார்ச் 1-ந் தேதி தொடங்குவதாக அமெரிக்காவின் குடியேற்றத்துறை தெரிவித்துள்ளது.

அமெரிக்காவில் பணிபுரியும் வெளிநாட்டவருக்கு வழங்கப்படுவது ஹெச்.1 பி விசா. ஆண்டுதோறும் 65,000 பேருக்கு ஹெச்.1 பி விசா வழங்கப்படும். உயர்கல்வி படிப்பவர்களுக்கு என 25,000 விசாக்களையும் அமெரிக்கா வழங்குகிறது.

ஒவ்வொரு ஆண்டும் சுமார் 70% இந்தியர்கள் ஹெச்.1 பி விசா பெறுகின்றனர். 2023-ம் ஆண்டுக்கான ஹெச்.1 பி விசாவுக்கு மார்ச் 1-ந் தேதி முதல் ஆன்லைனில் விண்ணப்பிக்கலாம் என அமெரிக்காவின் குடியேற்றத்துறை தெரிவித்துள்ளது.

பல லட்சம் பேர் விண்ணப்பிப்பதால் ஹெச்.1 பி விசா குலுக்கல் முறையில் வழங்கப்பட்டு வந்தது. இதனை மாற்றி தகுதி மதிப்பெண் அடிப்படையில் வழங்குவதாக முன்னாள் அதிபர் டொனால்ட் டிரம்ப் கூறியிருந்தார். ஆனால் புதிய அதிபர் ஜோ பைடன் இதனை நிராகரித்து பழைய முறையையே அமல்படுத்தி உள்ளார்.

2023-ம் ஆண்டுக்கான ஹெச்.1 பி விசாவுக்கு மார்ச் 1-ந் தேதி முதல் மார்ச் 18-ந் தேதி வரை ஆன்லைனில் விண்ணப்பிக்கலாம். ஆன்லைனில் பதிவு செய்தவர்களுக்கு பதிவு எண் வழங்கப்படும். ஆன்லைன் பதிவுக்கு $10 கட்டணம் செலுத்த வேண்டும். முன்பதிவு செய்பவர்கள் பிப்ரவரி 21-ந் தேதி முதல் அக்கவுண்ட் ஓபன் செய்து கொள்ளலாம்.

இந்த அக்கவுண்ட்டில் தங்களது விவரங்களை பதிவு செய்யலாம். பின்னர் அவற்றை எடிட் செய்து கொள்ளலாம். ஹெச்.1 விசா தேர்வு தொடர்பான அறிவித்தல்கள் மார்ச் 31-ந் தேதிக்குள் அனுப்பி வைக்கப்படும்.

English summary

US Citizenship and Immigration Services said that registrations for the H-1B visa will start on March 1.