ஹிட்லர் போன பின்.. ஜெர்மனியை கூட உலக நாடுகள் இப்படி தண்டிக்கவில்லை.. உக்ரைனுக்கு டிரம்ப் வைத்த ஆப்பு

நியூயார்க்: உக்ரைன் அதிபர் விளாடிமிர் ஜெலென்ஸ்கி, வாஷிங்டனில் அமெரிக்க அதிபர் ட்ரம்பைச் சந்தித்து, உக்ரைனில் உள்ள கனிமங்களை அமெரிக்கா பயன்படுத்துவதற்கான ஒப்பந்தத்தில் கையெழுத்திடுகிறார். அமெரிக்காவுடனான பூர்வாங்க ஒப்பந்தம் இதற்காக கையெழுத்தாக உள்ளது.

இரண்டாம் உலகப்போருக்கு பின் ஜெர்மனியை உலக நாடுகள் பல தண்டித்தன. முக்கியமாக ஹிட்லர் மரணத்திற்கு பின் ஜெர்மனி மீது கடுமையான கட்டுப்பாடுகள் விதிக்கப்பட்டது. ஆனால் அதை எல்லாம் மீறக்கூடிய கட்டுப்பாடுகளை உக்ரைன் மீது அதிபர் டிரம்ப் விதிக்க உள்ளார்.

உக்ரைன் - அமெரிக்கா நட்பு நாடுகள் தானே.. அவர் ஏன் உக்ரைனை எதிர்க்கிறார் என்று கேட்கலாம். இதற்கு 4 எளிமையான காரணங்கள் உள்ளன.

1. உக்ரைன் - ரஷ்யா போரை டிரம்ப் விரும்பவில்லை. இந்த போருக்கு காரணமாக அமைந்த உக்ரைன் நேட்டோவில் இணையும் விருப்பத்தை அவர் ரசிக்கவில்லை.

2. உக்ரைன் போருக்கு அமெரிக்கா செலவு செய்வதை அவர் விரும்பவில்லை.

3. உக்ரைன் அதிபர் பணத்தை கொள்ளையடிக்கிறார்.. போர் என்ற பெயரை காரணம் காட்டி ஆட்சியில் நீடிக்கிறார். அவருக்கு ஏன் நாம் உதவ வேண்டும் என்று டிரம்ப் நினைக்கிறார்.

4. ரஷ்யாவுடன் பிஸ்னஸ் செய்வது தொடங்கி பல ஒப்பந்தங்களை செய்ய டிரம்ப் நினைக்கிறார். இதனால் உக்ரைனை கழற்றிவிட்டு விட்டார்.

சரி என்ன தண்டனை

சரி உக்ரைனுக்கு டிரம்ப் தரப்போகும் தண்டனை என்ன என்று நீங்கள் கேட்கலாம். உக்ரைனை கட்டுப்படுத்துவதற்கான சில விதிகளை அமெரிக்கா உக்ரைனிடம் தனியாக தெரிவித்து உள்ளதாம். அதாவது உக்ரைனிடம் அமெரிக்கா சார்பாக சில
கட்டுப்பாடுகள், கோரிக்கைகள் வைக்கப்பட்டு உள்ளதாம். இதில்தான் இரண்டு நாட்டு அதிபர்கள் கையெழுத்திட உள்ளனர்.

உக்ரைனுக்கு வைக்கப்படும் கட்டுப்பாடுகள்

1. உக்ரைனின் இயற்கை வளங்கள், துறைமுகங்கள் மற்றும் உள்கட்டமைப்பு ஆகியவற்றில் இருந்து கிடைக்கும் வருவாயில் 50 சதவிகிதப் பங்கை அமெரிக்கா கோரி உள்ளதாம்.

2. 500 பில்லியன் அமெரிக்க டாலர்களை அமெரிக்கா இதுவரை உக்ரைனுக்கு வழங்கி
உள்ளதாம். போர் செலவுகளை சமாளிக்க, ஆயுதங்களை வழங்க 500 பில்லியன் அமெரிக்க
டாலர்களை அமெரிக்கா இதுவரை உக்ரைனுக்கு வழங்கி உள்ளது.

3. இந்த செலவிற்கு ஈடுகட்டும் விதமாக உக்ரைனுக்கு கிடைக்கும் வருவாயில் 50 சதவிகிதப் பங்கை அமெரிக்கா கோரி உள்ளதாம்.

4. அதன்படி உக்ரைனின் இயற்கை வளங்களில் இருந்து, உற்பத்தியில் இருந்து வரும் வருவாயில் முதல் பங்கு அமெரிக்காவிற்கே வழங்கப்பட வேண்டும் என்று அமெரிக்கா உக்ரைனிடம் தெரிவித்து உள்ளதாம்.

5. 3 வருடங்களாக செய்த உதவிகளுக்கு பதிலாக இதை வழங்க வேண்டும் என்று உக்ரைனிடம் அமெரிக்கா கண்டிப்பாக கூறி உள்ளதாம்.

6. கிட்டத்தட்ட உக்ரைனை அமெரிக்காவின் பொருளாதார காலனியாக மாற்றும் வகையில்
இந்த திட்டங்கள் வகுக்கப்பட்டு உள்ளதாம்.

7. அமெரிக்கா சார்பாக உக்ரைனுக்கு அனுப்பப்பட்ட ரிப்போர்ட் ஒன்றில் இது தொடர்பான கட்டுப்பாடுகள் இடம்பெற்றுள்ளதாக கூறப்படுகிறது.

8. இரண்டாம் உலகப்போருக்கு பின் ஜெர்மனிக்கு எதிராக விதிக்கப்பட்ட கட்டுப்பாடுகளை விட மிக மோசமான கட்டுப்பாடுகள் உக்ரைன் மீது விதிக்கப்படலாம் என்று எதிர்பார்க்கப்படுகிறது. இது உக்ரைனை பொருளாதார ரீதியாக கிட்டத்தட்ட அமெரிக்காவின் காலனியாக மாற்றிவிடும்.

English summary

US President Donald Trump's mineral deal may completely controlUkraine and its resources