Click it and Unblock the Notifications
Don't Miss
-
டெக் மஹிந்திரா முன்னாள் சிஇஓ சிபி.குர்னானி துவங்கிய புது கம்பெனி.. வியந்துபோன ஐடி ஊழியர்கள்..! -
இது கட்ட பஞ்சாயத்து.. ரத்னம் பட ரிலீஸுக்கு கடைசி நேரத்தில் சிக்கல்.. விஷால் அதிரடி குற்றச்சாட்டு! -
வெளிநாட்டினர் ஏன் பால் சேர்க்கப்பட்ட காபிக்கு பதிலாக எப்போதும் ப்ளாக் காபி மட்டும் குடிக்கிறார்கள் தெரியுமா? -
முடிச்சிட்டாரு முகேஷ் அம்பானி.. மாதம் ரூ.112 போதும்.. 336 நாட்கள் வேலிடிட்டி.. அன்லிமிடெட் கால்.. ஓடிடி சந்தா! -
இன்னும் 6 போட்டிகள் இருக்கு.. என்ன வேண்டுமானாலும் நடக்கலாம்.. பிளே ஆஃப் பற்றி ஆர்சிபி வீரர் ஜாக்ஸ்! -
துபாயில் சென்னை விமானத்தை தவறவிட்ட 15 வயது சிறுமி! அடுத்து நடந்த விஷயம் தான் அதிசயம்! -
ஜூன் 16-ல் யுஜிசி நெட் தேர்வு...ஏற்பாடுகள் தயார்...!! -
இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
அடுத்த அதிபர்.. இரவோடு இரவாக பிடனை வெற்றியாளராக அறிவித்த DDHQ அமைப்பு.. என்ன காரணம்?
நியூயார்க்: அமெரிக்காவில் தேர்தல் முடிவுகளை ஆய்வு செய்யும் அமைப்பான டிடிஎச்க்யூ (DDHQ) அமைப்பு, ஜனநாயக கட்சி வேட்பாளர் பிடனை அதிபர் தேர்தலின் வெற்றியாளர் என்று அறிவித்துள்ளது.இதற்கான காரணத்தையும் அந்த அமைப்பு வெளியிட்டுள்ளது.
அமெரிக்க அதிபர் தேர்தலில் கடைசிகட்ட வாக்கு எண்ணிக்கை நடந்து வருகிறது.. இன்னும் சில லட்சம் வாக்குகளே எண்ணப்பட வேண்டிய நிலையில், கடுமையான போட்டி நிலவுவதால் முடிவுகளை அறிவிப்பதில் தாமதம் ஏற்பட்டுள்ளது.
அதேபோல் நிறைய தபால் வாக்குகள் இருப்பதால் முடிவுகளை அறிவிப்பதில் கால தாமதம் ஏற்பட்டுள்ளது. இதுவரை வெளியாகி உள்ள முடிவுகளின்படி 264 வாக்குகளுடன் பிடன் தொடர்ந்து முன்னிலை வகிக்கிறார். குடியரசு கட்சி வேட்பாளர் அதிபர் டிரம்ப் 214 வாக்குகள் மட்டுமே பெற்றுள்ளார்.
வெற்றி
இந்த நிலையில் நேற்று இரவே பிடன் வெற்றிபெற்றுவிட்டார் என்று டிடிஎச்க்யூ (DDHQ) அமைப்புதெரிவித்தது. டிடிஎச்க்யூ (DDHQ) அமைப்பு என்பது Decision desk என்று அழைக்கப்படும் அமெரிக்காவின் சக்தி வாய்ந்த தேர்தல் ஆய்வு அமைப்பு ஆகும். அமெரிக்காவின் முக்கியமான செய்தி நிறுவனங்களின் பிரதிநிதிகள், அரசியல் ஆலோசகர்கள் இதில் உறுப்பினர்களாக உள்ளனர்.
வாக்கு எண்ணிக்கை
தேர்தல் நேரத்தில் வாக்கு எண்ணிக்கையை கண்காணிக்கும் இந்த அமைப்பு முடிவுகளை துல்லியமாக அறிவிக்க கூடிய அமைப்பாகும். 2010ல் இருந்து பல்வேறு தேர்தலில் இந்த அமைப்பு முடிவுகளை அறிவித்து வருகிறது. இந்த நிலையில் அதிபர் தேர்தலில் பிடன் வென்றுவிட்டார் என்று அந்த அமைப்பு அறிவித்துள்ளது. பென்சில்வேனியாவில் பிடன் பெற்ற முன்னிலையை வைத்து அந்த அமைப்பு இந்த அறிவிப்பை வெளியிட்டுள்ளது.
என்ன சொன்னது
இதற்கு டிடிஎச்க்யூ (DDHQ) அமைப்பு விளக்கம் அளித்துள்ளது. அதில், பிடன் வெற்றி இன்னும் அதிகாரபூர்வமாக மற்ற நிறுவனங்களால் அறிவிக்கப்படவில்லை. இன்னும் வாக்குகள் மீதம் உள்ளது என்று எங்களுக்கு தெரியும். ஆனால் எங்கள் கணக்குப்படி பிடன் வென்றுவிட்டார். புள்ளிவிவரங்கள்,ஆய்வுகள் படியே இதே தெரிவித்துள்ளோம். பென்சில்வேனியாவில் இனி டிரம்ப் பிடனை முந்த முடியாது.
வாக்குகள் எப்படி
கடைசியாக எண்ணப்பட்ட 30%க்கும் அதிகமான வாக்குகள் இங்கு பிடனுக்கு சாதகமாக மாறியுள்ளது. அதேபோல் பென்சில்வேனியாவில் டிரம்ப் செல்வாக்கு பெற்ற கவுண்டிகளில் கூட பிடன்தான் முன்னிலை வகிக்கிறார்.இதுதான் நிலவரம். இனியும் மீதம் இருக்கும் 1% தபால் வாக்குகள் அப்படித்தான் வரும்.மீதம் உள்ள வாக்குகளும் இப்படித்தான் இருக்கும்.
மாற்றம் வராது
இனி மீதம் வர போகும் வாக்குகளில் எந்த மாற்றமும் இருக்காது. இதனால் பிடனின் பென்சில்வேனியா வெற்றி உறுதியாகிவிட்டது. இதனால் அதிபர் தேர்தலிலும் அவரின் வெற்றி உறுதியாகிவிட்டது. ஆகவேதான் பிடனின் வெற்றி குறித்த அறிவிப்பை வெளியிட்டு இருக்கிறோம், என்று அந்த அமைப்புதெரிவித்துள்ளது.
