பாஜகவை "டோட்டலா" காலி செய்துட்டாரு.. அதிமுகவும் முழிக்குது! நீலகிரியில் ஆ.ராசா நடத்திய "புதிய சாதனை"

Published: Wednesday, June 5, 2024, 12:28 [IST]

Subscribe to Oneindia Tamil

ஊட்டி: நீலகிரி தொகுதியில் மீண்டும் வெற்றி பெற்றிருக்கிறார் ஆ ராசா.. அதேசமயம், முக்கியமான சாதனையையும் இங்கு நிகழ்த்தியிருக்கும் இந்த ஆ.ராசா யார்?

திமுகவில் மெத்த படித்த மேதாவிகளில் ஆ ராசாவும் ஒருவர்.. இவரது மேடைப்பேச்சுக்கு உலகம் முழுவதுமுள்ள தமிழர்கள் தீவிர ரசிகர்களாக இருக்கிறார்கள்.. திராவிடர் கழக வரலாற்றை கரைத்து குடித்தவர் ஆ.ராசா.

A Raja Nilgiris Lok Sabha Election results

15 ஆவது மக்களவை அமைச்சரவையில் தகவல் மற்றும் தொலைத் தொடர்புத்துறை அமைச்சராக பொறுப்பு வகித்தவர்.. மக்களவைக்கு 4 முறை தேர்ந்தெடுக்கப்பட்டவர்.. திமுகவின் உயர்நிலைசெயல்திட்டக்குழுவில் உறுப்பினராக இருப்பவர்.. திராவிட முன்னேற்றக் கழகத்தின் துணைப்பொதுச்செயலாளராகவும் அலங்கரிப்பவர். அனைத்தையும்விட முக்கியமாக மறைந்த முதல்வர் கருணாநிதியின் ஆதரவையும், அபிமானத்தையும் அதிகமாகவே பெற்றவர்.

நீலகிரி: இந்த முறையும் நீலகிரி தொகுதியே ஆ.ராசாவுக்கு ஒதுக்கப்பட்டது.. அதிமுக,பாஜக இரண்டு கட்சிகளுமே தனித்தனியாக களம் கண்டது, ஆ.ராசாவுக்கு கூடுதல் பிளஸ் பாயிண்ட்டாகிவிட்டது.

பாஜக வேட்பாளர் எல்.முருகன், நீலகிரியில் போட்டியிட கடந்த 2 வருடமாகவே ஆசைப்பட்டு வருவது தெரிந்தும், தன்மீதான வெற்றியில் அதிக நம்பிக்கை கொண்டிருந்தார் ஆ.ராசா. அதுமட்டுமல்ல, பாஜக, அதிமுக வேட்பாளர்களைவிட, ஆ.ராசா சீனியர் ஆவார்.. கள அனுபவங்களை பலமுறை நேரடியாக பெற்றவரும் ஆவார்.. இதெல்லாம் கூடுதல் சாதகமாக அவருக்கு அமைந்துவிட்டது.

போட்டி: அதிமுக சார்பில் லோகேஷ் தமிழ்ச்செல்வன், நாம் தமிழர் கட்சி வேட்பாளர் ஆர்.ஜெயகுமார் உட்பட 16 பேர் வேட்பாளர்கள் களமிறங்கினார்கள்.. ஆனால், தன்னை எதிர்த்து போட்டியிட்ட பாஜக வேட்பாளரை விட 2 லட்சத்து 40 ஆயிரத்து 585 வாக்குகள் வித்தியாசத்தில் ஆ.ராசா வெற்றி பெற்றிருக்கிறார்.. அதாவது, மொத்தம் பதிவாகிய 10 லட்சத்து 16 ஆயிரத்து 318 வாக்குகளில் 46.45 சதவீத வாக்குகளை ஆ.ராசா பெற்றிருக்கிறார்.

வாக்கு எண்ணிக்கை ஆரம்பித்ததிலிருந்தே ஆ.,ராசா முன்னிலை பெற்றே வந்தார்.. மதிய நேரத்துக்குள் கிட்டத்தட்ட நீலகிரியின் முடிவுகள் தெரிந்துவிட்டதுது..

சபாஷ்: அந்தவகையில், கடந்த தேர்தலில் பெற்ற வாக்கு வித்தியாசமான 2 லட்சத்து 5 ஆயிரம் வாக்குகளை கடந்துள்ளதுடன், 2 லட்சத்து 40 ஆயிரத்து 585 வாக்குகள் வித்தியாசத்தில் வெற்றி பெற்றிருக்கிறார்.. நீலகிரி தொகுதி வரலாற்றில் இதுவே அதிகபட்ச வாக்கு வித்தியாசமாகும். அந்தவகையில், மீண்டும் டெல்லி செல்கிறார் திமுகவின் ஆ.ராசா

Published On June 5, 2024