புதுவையில் தொகுதி பங்கீட்டில் பாஜக-அதிமுக உடன்பாடு; 5 தொகுதிகளுக்கு அதிமுக வேட்பாளர் அறிவிப்பு!

Updated: Tuesday, March 16, 2021, 21:44 [IST]

Subscribe to Oneindia Tamil

புதுவை: அதிமுக, புதுவையில் 5 தொகுதிகளுக்கான வேட்பாளர் பட்டியலை வெளியிட்டுள்ளது. அதிமுக-பாஜக இடையே தொகுதி பங்கீட்டில் உடன்பாடு ஏற்பட்டதால் அதிமுக வேட்பாளர் பட்டியல் வெளியிட்டது.

தமிழகத்தில் ஆளும் அதிமுகவுடன் கூட்டணி வைத்துள்ள பாஜக 20 தொகுதிகளை பெற்றது. தமிழகத்தில் அதிமுக-பாஜக தொகுதி பங்கீட்டில் எந்தவித சிக்கலும் ஏற்படவில்லை.

AIADMK has released the list of candidates for 5 constituencies in puducherry

ஆனால் புதுச்சேரி மாநிலத்தில் அதிமுக-பாஜக இடையே தொடர்ந்து சிக்கல் நீடித்து வந்தது. .என்.ஆர்.காங்கிரசுடன் கூட்டணியில் உள்ள பாஜக, அதிமுகவுக்கு 3 தொகுதிகளை ஒதுக்க முடிவெடுத்தது. இதனால் ஆத்திரம் அடைந்த புதுவை அதிமுக நிர்வாகிகள் சேலத்தில் முதல்வர் எடப்பாடி பழனிசாமியிடம் புகார் செய்தனர்.

இந்த நிலையில் அதிமுக-பாஜக இடையே தொகுதி பங்கீட்டு பேச்சுவார்த்தையில் உடன்பாடு ஏற்பட்டது. இதனை தொடர்ந்து அதிமுக புதுவையில் 5 தொகுதிகளுக்கான வேட்பாளர் பட்டியலை வெளியிட்டுள்ளது. தற்போது எம்.எல்.ஏ.க்களாக உள்ள 4 பேருக்கு மீண்டும் சீட் வழங்கப்பட்டுள்ளது. உப்பளம் தொகுதியில் தற்போது எம்.எல்.ஏ.வாக உள்ள அன்பழகன் மீண்டும் போட்டியிடுகிறார்.