ராகுலின் நம்பிக்கைக்குரியவர்.. அப்ப முதல்வர் இப்போ எம்பி.. யார் இந்த புதுச்சேரி வைத்திலிங்கம்
புதுச்சேரி: நடந்து முடிந்த நாடாளுமன்ற தேர்தலில் புதுச்சேரியில் இரண்டாவது முறையாக வைத்திலிங்கம் வெற்றி பெற்று இருக்கிறார். இந்த நிலையில் வைத்திலிங்கம் யார் என்பதை பற்றி விரிவாக பார்க்கலாம்.
புதுச்சேரி தமிழகத்தின் அருகில் உள்ள யூனியன் பிரதேசம் தான். இங்கே ஒரே ஒரு லோக்சபா தொகுதி மட்டுமே உள்ளது. அதுபோல தமிழ்நாட்டின் 39 தொகுதி மற்றும் புதுச்சேரியில் உள்ள ஒரு தொகுதி என 40 தொகுதிக்கும் சேர்த்து தான் நாடாளுமன்ற தேர்தல் நடத்தப்பட்டு வருகிறது. அதில் இரண்டாவது முறையாக புதுச்சேரியில் வைத்திலிங்கம் வெற்றி பெற்று இருக்கிறார்.
புதுச்சேரி தொகுதியில் திமுக கூட்டணியின் காங்கிரஸ் சார்பில் கடந்த 2019 ஆம் ஆண்டில் நாடாளுமன்ற தேர்தலில் போட்டியிட்ட வைத்திலிங்கம் 444 981 வாக்குகள் பெற்று வெற்றி பெற்றிருந்தார். அதைத் தொடர்ந்து 2024 நடைபெற்ற நாடாளுமன்ற தேர்தலிலும் போட்டியிட்ட நிலையில் 426005 வாக்குகள் பெற்று வெற்றி பெற்று இருக்கிறார்.
ராகுலின் நண்பர்.. "அந்த" விமர்சனத்தை தாண்டி விருதுநகரில் 3 முறை வெற்றி.. யார் இந்த மாணிக்கம் தாகூர்?
வைத்திலிங்கத்தின் குடும்பம் புதுச்சேரியில் பிரெஞ்சு ஆட்சிக்கு எதிராக சுதந்திர போராட்டத்தில் பெரிய அளவில் பங்களிப்பு செலுத்தி இருக்கிறார்கள். வைத்திலிங்கத்தின் தந்தை வழி தாத்தா மறைந்த வைத்திலிங்கம் செட்டியார் புதுச்சேரியில் பிரெஞ்சு ஆட்சியின் போது நெட்டப்பாக்கம் மேயராக இருந்திருக்கிறார். அதுபோல வைத்திலிங்கத்தின் தந்தை வெங்கடேசசுப ரெட்டியார் பாண்டிச்சேரியில் முதல்வராகவும் இருந்திருக்கிறார்.
வைத்திலிங்கம் 1980 இல் தான் தன்னுடைய அரசியல் வாழ்க்கையை தொடங்கி இருக்கிறார். அந்த வருடம் அவர் சட்டமன்ற தொகுதியில் போட்டியிட்டபோது தோல்வி அடைந்திருக்கிறார். அதுவும் சுமார் 90 வாக்குகளின் வித்தியாசத்தில் தான் தோல்வி அடைந்தாராம். அதைத்தொடர்ந்து 1985 இல் வைத்திலிங்கம் எம்எல்ஏவாக தேர்ந்தெடுக்கப்பட்டு பொதுப்பணி மற்றும் மின்துறை அமைச்சராக பொறுப்பேற்று இருக்கிறார்.
இவர் பணியில் இருக்கும் போது பாண்டிச்சேரியில் தொழில்துறையில் கடுமையான வளர்ச்சியை கண்டிருக்கிறது. அதுபோல தன்னுடைய 40 வயது பாண்டிச்சேரியில் 11 வது முதல்வராக 1991 முதல் 1996 வரை பதவி ஏற்று இருக்கிறார். புதுச்சேரியில் 16வது முதல்வராக 2008 முதல் 2011 வரையும் பணியாற்றி இருக்கிறார். அது மட்டும் அல்லாமல் புதுச்சேரியில் உள்ள இரண்டாவது இளம் முதல்வராக வைத்திலிங்கம் தான் இருந்திருக்கிறார்.
கடந்த 2019 ஆம் ஆண்டு நடைபெற்ற நாடாளுமன்றத் தேர்தலில் போட்டியிடுவதற்காக எம்எல்ஏ பதவியை ராஜினாமா செய்திருக்கிறார். ஆனாலும் அவர் நினைப்பது போலவே 2019 ஆம் ஆண்டில் நாடாளுமன்ற தேர்தலில் அதிக வாக்குகள் பெற்று வெற்றி பெற்று இருக்கிறார். அதை தொடர்ந்து 2024 ஆம் ஆண்டில் அவர் மீண்டும் போட்டியிட்டபோது அவர் இரண்டாவது முறையாக லோக்சபா தேர்தலில் வெற்றி பெற்று இருக்கிறார்.
Click it and Unblock the Notifications
Sign in with Google