இலங்கை கடற்படையின் அத்துமீறல்.. ராமேஸ்வரம் மீனவர்கள் 10 பேர் கைது! எல்லை தாண்டியதாக குற்றச்சாட்டு

ராமநாதபுரம்: எல்லை தாண்டி மீன் பிடித்ததாக கூறி, நெடுந்தீவு பகுதியில் ராமேஸ்வரத்தை சேர்ந்த 10 மீனவர்களை இலங்கை கடற்படை கைது செய்திருக்கிறது. இந்த கைது நடவடிக்கை மீனவர்கள் மத்தியில் கடும் அதிர்ச்சியை ஏற்படுத்தியிருக்கிறது.

கைது செய்யப்பட்ட தமிழக மீனவர்கள், யாழ்ப்பாணம் மீன் வளத்துறை அதிகாரிகளிடம் ஒப்படைக்கப்பட இருப்பதாக தகவல் வெளியாகியுள்ளது. தமிழக மீனவர்கள் மீது இலங்கை கடற்படை தொடர்ந்து மேற்கொண்டு வரும் அத்து மீறல்கள் முடிவுக்கு வர வேண்டும் என்று மீனவர்கள் வலியுறுத்தியுள்ளனர்.

English summary

The Sri Lankan Navy has arrested 10 fishermen from Rameswaram, alleging that they were fishing across the maritime border. This arrest has caused considerable shock among the fishermen.