வேட்பு மனுத்தாக்கலில் "சாதனை" படைக்கும் அதிமுக... தாக்கலான 6 மனுக்களில் பாதி அதிமுகவுடையது!

திருச்சி: ஸ்ரீரங்கம் இடைத் தேர்தலில் அதிமுக சார்பில் போட்டியிடும் எஸ். வளர்மதி இதுவரை 3 வேட்பு மனுக்களைத் தாக்கல் செய்துள்ளார். மொத்தம் பெறப்பட்டுள்ள 6 வேட்பு மனுக்களில் பாதி இவரது வேட்பு மனுக்கள்தான் என்பது குறிப்பிடத்தக்கது.

ஸ்ரீரங்கம் தொகுதிக்கு பிப்ரவரி 13ம் தேதி இடைத் தேர்தல் நடைபெறுகிறது. இதற்கான வேட்பு மனுத் தாக்கல் 2 நாட்களுக்கு முன்பு தொடங்கியது. முதல் நாளில் அதிமுக வேட்பாளர் எஸ். வளர்மதியும், மாற்று வேட்பாளர் கோவிந்தனும் மனுக்களைத் தாக்கல் செய்தனர்.

முதல் நாளில் இவர்கள் போக தேர்தல் மன்னன் என்று செல்லப் பெயர் பெற்ற பத்மராஜன், திரினாமூல் காங்கிரஸ் கட்சியைச் சேர்ந்த மனோகரன் ஆகியோர் சுயேச்சையாக மனுத் தாக்கல் செய்தனர்

நேற்றைய 2வது நாள் இறுதியில், 2 சுயச்சைகள் மட்டும் மனுத் தாக்கல் செய்தனர். கூடவே வளர்மதியும், கோவிந்தனும் மீண்டும் மனுத் தாக்கல் செய்தனர்.

2 நாட்களில் மொத்தம் 6 வேட்பு மனுக்கள் பெறப்பட்டுள்ளன. அதில் 3 மனுக்கள் வளர்மதியின் மனுக்களாகும். முதல் நாளில் அவர் 2 செட் வேட்பு மனுக்களைத் தாக்கல் செய்திருந்தார். நேற்று ஒரு செட் தாக்கலாகியது.

நாளை திமுக வேட்பாளர் என். ஆனந்த் வேட்பு மனு தாக்கல் செய்கிறார். மற்ற கட்சிகள் நிலைப்பாடு தெரியவில்லை. பாஜக 2 நாட்களில் தாக்கல் செய்யும் என்று தெரிகிறது.

English summary

ADMK candidate S Valarmathi has filed 3 set of nomination in Srirangam by election.