தொடங்கியது குற்றாலத்தில் படகுசவாரி

குற்றாலம்: குற்றாலத்தில் படகு சவாரியை தமிழக அமைச்சர் செந்தூர்பாண்டியன் தொடங்கிவைத்தார்.

தென்பொதிகை திருத்தலமான குற்றாலத்தில் ஆண்டுத்தோறும் ஜூன்,ஜூலை,ஆகஸ்ட்.ஆகிய 3 மாதங்கள் சீசன் காலமாகும்.இந்த நாட்களில் இங்குநிறைந்துள்ள அருவிகளில் நீராட சுமார் 30இலட்சம் சுற்றுலாப்பயணிகள் வந்து செல்வது வழக்கம்.

குற்றாலம் வரும் சுற்றுலாப் பயணிகளுக்கு அருவிகளைத்தவிர பொழுது போக்கிட போதிய வசதிகள் இங்கு கிடையாது.

ஐந்தருவியில் பூங்கா.. அருகே படகு சவாரி

ஐந்தருவியில் சுற்றுசூழல் பூங்கா அமைக்கப்பட்டுள்ளது. அங்கே செல்லும் வழியில் உள்ள வெண்ணமடைக்குளத்தில் சுற்றுலாத்துறை சார்பில் படகு சவாரி சவாரி ஏற்ப்படுத்தப்பட்டுள்ளது. இதற்கு சுற்றாலாப் பயணிகள் மத்தியில் நல்ல வரவேற்ப்பு உண்டு.

ஜூன் 5 முதல் சீசன்

கடந்த ஆண்டு சீசன் களை கட்டியதால் ஜூன் 5ம் தேதியே படகு சவாரி துவங்கிய நிலையில் இந்த ஆண்டு சாரல் மழை எதிர்பார்த்த அளவில் பொழியாததால் படகு சவாரி துவங்குவதில் காலதாமதம் ஏற்பட்டு வந்தது.

சவாரி தொடக்கம்

மேலும் சுற்றுலாப் பயணிகள் படகு குழாமை திறக்க வலியுறுத்தி வந்தனர். இதனைத் தொடர்ந்து சுற்றுலாத்துறை சார்பில் படகு சவாரி தொடக்க விழா நடைபெற்றது.

அமைச்சர் கொடியசைத்தார்

நெல்லை மாவட்ட ஆட்சியர் கருணாகரன் தலைமையில் நடைப்பெற்ற விழாவில் தமிழக இந்து சமய மற்றும் அறநிலையத்துறை அமைச்சர் செந்தூர்பாண்டியன் படகு சவாரி குழாமை திறந்து வைத்து படகுசவாரியை கொடியசைத்து தொடங்கி வைத்தார்

36 படகுகள்

இங்கு 36 படகுகள் இயக்கப்படுகிறது. இதில் பெடல் படகு-18, 2 இருக்கை பெடல் படகு-9, துடுப்பு படகு-5, தனிப்படகு 4 உள்ளது.

அரை மணி நேரத்திற்கு சவாரி

இந்த படகு சவாரிக்கு அரை மணி நேரத்திற்கு கட்டணம் படகு வகையை பொருத்து நிர்ணயக்கபட்டுள்ளது . தனிப் படகு கட்டணமாக 7 5ரூபாயும், 2 இருக்கை படகிற்கு 100 ரூபாயும், 4 இருக்கை படகிற்கு 15 5ரூபாயும் வசூலிக்கப்படும்.

English summary

Boating has been launched in Courtallam. Minister Senthur Pandian inaugurated the boat ride.