இந்தியா கேட் டூ ராஜ்பவன் - குடியரசுத் தினத்தை கோலாகலமாக கொண்டாடும் கூகுள் டூடுள்

சென்னை: இந்தியாவின் 66ஆவது குடியரசு தின விழாவினை இந்தியா முழுவதும் கோலாகலமாக கொண்டாடி வருகின்ற நிலையில், பிரபல தேடுதல் பொறியான கூகுள் நிறுவனமும் தன்னுடைய டூடுள் மூலமாக குடியரசுத் தினத்தினை கொண்டாடி வருகின்றது இன்று.

வண்ணங்கள் நிறைந்த அந்த குடியரசுத் தின டூடுளில், டெல்லி இந்தியா கேட்டி முதல் ராஷ்டிரபதி பவன் வரையிலான ராஜ்பாத் அழகாக விவரிக்கப்பட்டுள்ளது. முழுவதும் பூக்களால் அலங்கரிக்கப்பட்டுள்ளது இந்த டூடுள்.

ஆண்களும், பெண்களும் இந்தியாவின் கலாச்சார உடைகளை அணிந்து அம்மலர் கூட்டங்களுக்குள் அழகாக நடை பயில்கின்றனர். அதற்கு கீழே மஞ்சள் நிற கோடுகளால் அலங்கரித்துள்ளது கூகுள்.

இந்த வருடத்திற்கான குடியரசுத் தினமானது அமெரிக்க அதிபர் ஓபாமா மற்றும் அவருடைய மனைவியான மிச்சல் ஒபாமாவினை சிறப்பு விருந்தினர்களாகக் கொண்டு கோலாகலமாக கொண்டாடப்பட்டு வருகின்றது. அமெரிக்க அதிபர் ஒருவர் இந்தியக் குடியரசுதின விழாவில் சிறப்பு விருந்தினராக கலந்து கொள்வது இதுவே முதல்முறையாகும்.

English summary

Google marks India's 66th Republic Day with a vibrant and colorful doodle. It showcases the path leading from India Gate to Rashrapati Bhavan, located in the heart of the capital, decorated with flowers. Men and women dressed in traditional Indian attire - in kurta pajamas and sarees - can be seen walking and waving cheerfully in the doodle. Google is inscribed in yellow color at the bottom of the decorated path.