அம்மு பார்க், ஸ்ரீ ஸ்டேடியம்.. செம செம கொலு!

சென்னை: சென்னையிலிருந்து நமது வாசகர் ஜனகா ரமேஷ் அனுப்பியுள்ள கொலு படு வித்தியாசமாக இருக்கிறது.

கடவுள் பொம்மைகளை மட்டுமே கொலு வைத்த காலம் இப்போது போய் விட்டது. விதம் விதமான கான்ச்பெட் பிடித்து கொலு வைப்பது அதிகரித்து வருகிறது.

சுற்றுச்சூழல் விழிப்புணர்வு உள்ளிட்ட பலவிதமான சப்ஜெக்ட்டுகளை மக்கள் கையில் எடுத்து கொலு வைக்க ஆரம்பித்து விட்டனர். அந்த வகையில் நமது வாசகர் ஜனகா ரமேஷ் வீட்டில் வைத்துள்ள கொலுவும் வித்தியாசமான காட்சிகளுடன் கூடியதாக உள்ளது.

இது வேற மாதிரி

வாசகர் ஜனகா ரமேஷ் சென்னை கீழ்க்கட்டளையில் வசித்து வருகிறார். தனது வீட்டில் வைத்துள்ள கொலு படங்களை அவர் நமக்கு அனுப்பி வைத்துள்ளார். பார்க்கே வித்தியாசமாக இருக்கிறது. நிறைய மெனக்கெட்டு இதை வைத்துள்ளதும் புரிகிறது.

கிரிக்கெட் கொலு

ஒரு குட்டி கிரிக்கெட் ஸ்டேடியத்தையே இந்த கொலுவில் கொண்டு வந்து வைத்துள்ளனர். ஸ்ரீஸ்டேடியம் என்று அதற்குப் பெயரும் வைத்துள்ளனர். கிரிக்கெட் ஆடும் காட்சிகள் அடங்கிய பொம்மைகள் சூப்பராக நிறுத்தப்பட்டுள்ளன. செமையாக இருக்கிறது.

அம்மு பார்க்

அடுத்தது ஒரு பார்க். அம்மு பார்க். தெர்மகோல் அட்டையை படுக்க வைத்து பார்க்காக்கி விட்டார்கள் (செல்லூர் ராஜு எபக்ட் அதிகமாக தெரிகிறது!!!!) ஆனால், பார்க் பட் க்யூட்டாக இருக்கிறது.

அழகிய ராதை, அமர்க்கள கிருஷ்ணர்

அழகிய ராதை, கிருஷ்ணர் படத்தின் பின்னணியில் கொலு அணிவரிசை காட்சி தருகிறது. அலைமகள், கலை மகள் என தேவியர் புடை சூழ கடவுள் பொம்மைகள் பார்க்கவே கண் கொள்ளாக் காட்சியாக இருக்கிறது. மொத்த கொலுவும் பிரமாதமாக இருக்கிறது, பார்க்க ரொம்ப அழகாகவும் இருக்கிறது.

English summary

Our reader Janaka Ramesh's family, Keelkatalai in Chennai has shared their Golu show to our readers.