காவிரி தண்ணீர் வரும்.. கர்நாடக அரசு முடிவை பற்றி கவலையில்லை.. ஜெயக்குமார் பேட்டி

விவசாயிகளையும் அதிமுகவையும் யாராலும் பிரிக்க முடியாது என்று மீன்வளத் துறை அமைச்சர் ஜெயக்குமார் கூறியுள்ளார்.

Updated: Friday, June 22, 2018, 13:24 [IST]

சென்னை: விவசாயிகளையும் அதிமுகவையும் பிரிக்க நினைக்கும் மக்கள் நீதிமய்யத்தின் தலைவர் கமல்ஹாசனின் திட்டம் நிறைவேறாது. விவசாயிகளையும் அதிமுகவையும் யாராலும் பிரிக்க முடியாது என்று அமைச்சர் ஜெயக்குமார் தெரிவித்துள்ளார்.

தமிழக மீன்வளத் துறை அமைச்சர் ஜெயக்குமார் இன்று வெள்ளிக்கிழமை சென்னையில் செய்தியாளர்களிடம் பேசியதாவது: விவசாயிகளையும் அதிமுகவையும் பிரிக்கும் கமல்ஹாசனின் திட்டம் நிறைவேறாது. விவசாயிகளையும் அதிமுகவையும் யாராலும் பிரிக்க முடியாது. உச்ச நீதிமன்றத் தீர்ப்பின்படி கர்நாடகாவிடமிருந்து 177.75 டிஎம்சி தண்ணீரைப் பெற்றேத் தீருவோம். கர்நாடகாவின் முடிவைப் பற்றிக் கவலை இல்லை." என்று கூறினார்.