13-வது முறை எம்.எல்.ஏ..... கருணாநிதிக்கு தமிழ்த் தேசிய கூட்டமைப்புத் தலைவர் இரா. சம்பந்தன் வாழ்த்து

சென்னை: தமிழக சட்டசபை தேர்தலில் போட்டியிட்டு 13-வது முறை எம்.எல்.ஏ.வாக வென்றுள்ள திமுக தலைவர் கருணாநிதிக்கு இலங்கை நாடாளுமன்ற எதிர்க்கட்சித் தலைவரும் தமிழ்த் தேசியக் கூட்டமைப்பின் தலைவருமான இரா. சம்பந்தன் வாழ்த்து தெரிவித்துள்ளார்.

இது தொடர்பாக கருணாநிதிக்கு இரா. சம்பந்தன் அனுப்பிய கடிதம்:

தாங்கள் 13ஆவது முறையாக தமிழ்நாட்டின் சட்டசபைக்கு தெரிவு செய்யப்பட்டிருக்கிறீர்கள். இதுவொரு சாதாரண சாதனையல்ல.

எல்லோராலும் பாராட்டப்பட வேண்டிய ஒரு சாதனை யாகும். ஆட்சியை கைப்பற்றாவிட்டாலும் பலமான எதிர்க்கட்சி என்ற அந்தஸ்தை பெற்றிருக்கின்றீர்கள்.

உங்களுக்கு இலங்கைவாழ் தமிழ் மக்கள் சாபில் என வாழ்த்துக்களை தெரிவித்துக்கொள்கிறேன். இலங்கைத் தமிழ் மக்களுடைய பிரச்சனைக்கு ஒரு நியாயமான, நிரந்தரமான அரசியல் தீர்வை பெறுவதற்கு உங்களுடைய ஆக்கப்பூர்வமான பங்களிப்பு தொடர வேண்டுமென்று நாங்கள் விரும்புகிறோம்.

13-வது முறை எம்.எல்.ஏ..... கருணாநிதிக்கு தமிழ்த் தேசிய கூட்டமைப்புத் தலைவர் இரா. சம்பந்தன் வாழ்த்து #karunanidhi pic.twitter.com/AQI2S2zCCl

— Oneindia Tamil (@thatsTamil) May 26, 2016

இவ்வாறு இரா. சம்பந்தன் அக்கடிதத்தில் தெரிவித்துள்ளார்.

கடந்த ஆண்டு இலங்கை நாடாளுமன்றத் தேர்தலில் தமிழ்த் தேசியக் கூட்டமைப்பு வென்று எதிர்க்கட்சித் தலைவராக இரா. சம்பந்தன் தேர்வு செய்யப்பட்டபோது அவருக்கு கருணாநிதி வாழ்த்து தெரிவித்திருந்தது குறிப்பிடத்தக்கது.

English summary

The Leader of the Opposition in Sri Lankan Parliament and Tamil National Alliance (TNA) leader R. Sampanthan greeted DMK leader M. Karunanidhi for his election victory.